Marcos 4:41 - Porciones del Nuevo Testamento

⁴¹ Ãzhira kꞌãbãẽã perabʉdaba ãzhirãĩnu mawũãsidꞌa: ¿Naʉ̃ kꞌaipe kꞌãwũã nanguba do jedꞌea õbꞌʉba izhi bedꞌeata aribꞌaebʉdara?

Marcos 4:41 ပူးပေါင်းရင်းမြစ်များ

Mateo 14:32

Aramaʉ̃ne ãzhira jãbadꞌe bꞌaribʉdadꞌera tausia pʉ̃ãdrʉra.

Mateo 8:27

Mawũẽ bia akʉdrua mawũãsidꞌa: ¿Naʉ̃ kꞌaipe kꞌãwũã nanguba do bomatʉba izhi bedꞌeata aribꞌaebʉdara?

Marcos 4:40

Mobebʉrʉ ãzhaa mawũãsia: ¿Kꞌãrẽã kꞌãwũã pera kꞌobꞌe? ¿Sãwũẽ soidꞌu kꞌopanʉ ẽpe?

Marcos 5:1

Jesús izha jʉrʉkuadꞌa bawara jũẽkuasia do jedꞌea õbꞌʉ kĩrãrẽ Gadara bidꞌarã druaidꞌu.

Marcos 5:33

Mawũẽ wũẽrã peraba pidꞌidꞌia kꞌobꞌʉta, izhi sãwũã dogꞌota kꞌawua kꞌobꞌʉba zepe izhi kĩrãbita sãkꞌokꞌodꞌe kꞌobꞌepe jarasia wãrãta.

Marcos 7:37

Mawũẽ kꞌãbãẽã sobia mawũã bazhidꞌa: Ne jõma bia obꞌʉa. Ne ũrĩ ẽã bꞌeta ne ũrĩbi bꞌʉa, bedꞌea bꞌe ẽã bꞌeta bedꞌeabi bꞌʉa.

Lucas 4:36

Mawũẽ jõmaʉ̃ba bia akʉdrua ãzhirãĩnu mawũãsidꞌa: ¿Naʉ̃ bedꞌeara kꞌãrẽ zhi zromape? Jaira zarea bara jʉrekua bꞌʉba ãĩ wã nʉmeã.

Lucas 8:25

Mobebʉrʉ ãzhaa mawũãsia: ¿Marã sãwũãbʉda soidꞌu kꞌopanaĩ kꞌaudꞌe? Ãzhara pera bia akʉdrua ãzhirãĩnu mawũãsidꞌa: ¿Naʉ̃ kꞌaipe kꞌãwũã nanguta dota kẽãbʉrʉdꞌe izhi bedꞌeata aribꞌaebʉdara?