Marcos 3:7 - Porciones del Nuevo Testamento

⁷ Maʉ̃ne Jesús do jedꞌea õbꞌʉidꞌu wãsia izha jʉrʉkuadꞌa bawara, maʉ̃nerã kꞌabana kꞌaidꞌu wãsidꞌa Galilea druadꞌeba, Judea druadꞌeba.

Marcos 3:7 ပူးပေါင်းရင်းမြစ်များ

Mateo 10:23

Pʉwʉrʉ abꞌaʉdꞌe marã pẽwã jirpanebʉdadꞌera merũ wãũdua awʉrʉ pʉwʉrʉedꞌa. Mʉã wãrĩnu marãã jaraya, Daizezedꞌebema jara bꞌeta marãbara ma pʉrrʉadꞌa ẽã Israeldꞌe pʉwʉrʉ tabꞌe jõmarã mʉta zei nawedꞌara mʉ Beubari Bape bꞌadꞌata.

Mateo 12:15

Jesúsbara maʉ̃ta kꞌawuape wãsia mamaʉ̃bara, zhãrã bio kꞌaidꞌu wãbʉdata kꞌaya bꞌera bꞌebisia jõma.

Mateo 12:16

Maʉ̃nerã zarea jarakꞌasia izhi ʉ̃rʉ̃ dajada bedꞌeadꞌa ẽbamarẽã.

Mateo 4:25

Zhãrã bio Jesús kꞌaidꞌu nʉmasia Galilea druadꞌebemata, Decápoli pʉwʉrʉdꞌebemata, Jerusalén pʉwʉrʉdꞌebemata, Judea druadꞌebemata, Jordán dodꞌe kĩrãrẽbemarãta.

Marcos 1:39

Aramaʉ̃ne de zhi jʉrebada nʉme maẽ miã ũrãgꞌasia Galilea drua jõma, ãĩ jʉrekua bꞌasia jaisidꞌa.

Marcos 1:45

Mawũãmina izhira wãpe izhi sãwũã bꞌebʉrʉta jõmaʉ̃ã jarasia. Mawũẽ Jesús ya baridu pʉwʉrʉdꞌe dajada edꞌa wã bꞌe ẽbasia, maʉ̃neba ãĩ miõ ne ẽã maẽ chubꞌe bꞌasia. Mawũãsiidꞌu baridu maẽba zhãrã izhima ze nʉmasia.

Marcos 3:20

Maʉ̃ tẽã ãzhira dedꞌaa zebʉrʉdꞌera zhãrãbara wakusa bʉredrʉsidꞌa, mawũẽ izha jʉrʉkuadꞌa bawara ãzhira miã nekꞌo bꞌedꞌa ẽbasia.

Marcos 4:1

Jesús wakusa miã ũrãgꞌasia do jedꞌea õbꞌʉ maẽ doya. Izhira zhãrã bioba bʉredrʉsidꞌa, mawũẽ jãbadꞌe edꞌa wãpe do jedꞌea õbꞌʉ maẽ jãbadꞌe jewedꞌasia. Waya zhãrã kꞌobꞌera nʉmesia doya.

Lucas 23:5

Mawũãĩ ãzhara wuaabʉrʉ mawũãsidꞌa: Zhãrãta nokꞌorã bawara kĩrũbiga bꞌʉta miã ũrãgꞌa bꞌʉa Judea drua jõma, Galilea druadꞌeba erujʉ̃drʉdꞌata naĩnu ba.

Lucas 6:12

Jari ewadera Jesús wãsia kꞌatumaĩnu zhiwidꞌidꞌe, maʉ̃nerã zhiwidꞌi ʉ̃nadrʉsia Daizezea.

Lucas 6:17

Mawũã izha jʉrʉkuadꞌa bawara Jesús kꞌatumaneba yedꞌaa zepe kꞌoriwidꞌe bꞌesia. Maʉ̃nerã izhi pẽwã bꞌebara kꞌabana bawarauba bʉredrʉsidꞌa. Maʉ̃rã zekuasia Judea druadꞌeba, Jerusalén pʉwʉrʉdꞌeba, pusa doya Tiro pʉwʉrʉ tabꞌʉ maẽba, Sidón pʉwʉrʉdꞌeba, zekuasia izhi bedꞌeata ũrĩnaĩta, aramaʉ̃ne bꞌekuaita ãzhi kꞌaya bꞌeta.

Juan 7:41

Waya ʉ̃kʉrʉbara mawũãsidꞌa: Naʉ̃ zhãrã Ẽdrʉbia. Mawũãmina ʉ̃kʉrʉbara mawũãsidꞌa: ¿Galileadꞌebara ʉ̃tʉ zeita bꞌʉka zhãrã Ẽdrʉbiira?

Juan 7:52

Mawũãĩ panaʉ̃ mawũãsidꞌa: ¿Bʉsidꞌa Galileadꞌebemakꞌa? Daizeze bedꞌeata bia estudiadua, mawũãrã kꞌawuaya Galileadꞌebara piradrʉkꞌata Daizezeba bedꞌeata jarabibarira.

Hechos 17:10

Aramaʉ̃ta mebẽrãbara Pablo, Sila diamase buesidꞌa Berea pʉwʉrʉidꞌu. Jũẽnape edꞌa wãsidꞌa de zhi jʉrebadata judíorãne maẽ.

Hechos 17:14

Mawũẽ mebẽrãbara Pablo aramaʉ̃ta wãbisidꞌa pusaidꞌu. Mawũãmina Silara Timoteora panesia mama.