Marcos 3:20 - Porciones del Nuevo Testamento

²⁰ Maʉ̃ tẽã ãzhira dedꞌaa zebʉrʉdꞌera zhãrãbara wakusa bʉredrʉsidꞌa, mawũẽ izha jʉrʉkuadꞌa bawara ãzhira miã nekꞌo bꞌedꞌa ẽbasia.

Marcos 3:20 ပူးပေါင်းရင်းမြစ်များ

Marcos 1:45

Mawũãmina izhira wãpe izhi sãwũã bꞌebʉrʉta jõmaʉ̃ã jarasia. Mawũẽ Jesús ya baridu pʉwʉrʉdꞌe dajada edꞌa wã bꞌe ẽbasia, maʉ̃neba ãĩ miõ ne ẽã maẽ chubꞌe bꞌasia. Mawũãsiidꞌu baridu maẽba zhãrã izhima ze nʉmasia.

Marcos 2:1

Ewari dããrã ẽãne Jesús wakusa Capernaúm pʉwʉrʉdꞌe edꞌa wãbʉrʉba dedꞌa bꞌʉta ũrĩsidꞌa.

Marcos 3:19

Juda Iscariote Jesús chupea chãbꞌaridꞌata.

Marcos 3:7

Maʉ̃ne Jesús do jedꞌea õbꞌʉidꞌu wãsia izha jʉrʉkuadꞌa bawara, maʉ̃nerã kꞌabana kꞌaidꞌu wãsidꞌa Galilea druadꞌeba, Judea druadꞌeba.

Marcos 3:9

Mawũẽ izha jʉrʉkuadꞌaa jarasia jãbata erukꞌopanamarẽã kꞌabanaba izhita pẽũsua edadꞌa ẽbamarẽã.

Marcos 6:31

Jesúsbara mawũãsia: Zeudua, dazhirã bitabai miõ ne ẽãĩnu wãnaña, mobe wĩka ẽnaʉ̃ kꞌobꞌeaudua. Mawũã jarasia zhãrã bio zepe wãpe nʉmʉba, maʉ̃ba ãzhira miã ewari ne ẽbasia nekꞌoisidꞌa.

Marcos 7:17

Kꞌabanata ãmaẽpe Jesús deidꞌu wãbʉrʉdꞌera izha jʉrʉkuadꞌabara widꞌisidꞌa izha jarabʉrʉra sãwũãta.

Marcos 9:28

Jesús deidꞌu zebʉrʉdꞌera izha jʉrʉkuadꞌabara dobꞌaʉa widꞌi mawũãsidꞌa: ¿Daibara kꞌãrẽneba ãĩ jʉreta bꞌedꞌa ẽbasi?

Lucas 6:17

Mawũã izha jʉrʉkuadꞌa bawara Jesús kꞌatumaneba yedꞌaa zepe kꞌoriwidꞌe bꞌesia. Maʉ̃nerã izhi pẽwã bꞌebara kꞌabana bawarauba bʉredrʉsidꞌa. Maʉ̃rã zekuasia Judea druadꞌeba, Jerusalén pʉwʉrʉdꞌeba, pusa doya Tiro pʉwʉrʉ tabꞌʉ maẽba, Sidón pʉwʉrʉdꞌeba, zekuasia izhi bedꞌeata ũrĩnaĩta, aramaʉ̃ne bꞌekuaita ãzhi kꞌaya bꞌeta.