Marcos 3:18 - Porciones del Nuevo Testamento

¹⁸ Dewaraurã jʉrʉkuasia Andrésta, Felipe, Bartolomé, Mateo, Tomás, Jacobo Alfeo warrata, Tadeota, Simón Canaán bidꞌata.

Marcos 3:18 ပူးပေါင်းရင်းမြစ်များ

Mateo 13:55

¿Naʉ̃ ẽka de obari warrara? ¿Zhi papara María ẽka, zhi mebẽrã Jacobota, Joséta, Simónta, Judata duanu ẽka?

Mateo 9:9

Jesús mamaʉ̃ba wãbʉrʉdꞌera ũdusia Mateo abadata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 2:14

Mawũã wãbʉrʉdꞌera ũdusia Leví Alfeo warrata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 3:17

Jacobo Zebedeo warrata, Juan Jacobo mebeata, maʉ̃rã ũmeta trʉ̃gasia Boanergerãta, maʉ̃ trʉ̃bara jara krĩña bꞌʉa Ba Warrarãta.

Marcos 3:19

Juda Iscariote Jesús chupea chãbꞌaridꞌata.

Marcos 6:3

¿Naʉ̃ ẽka de obarita María waura? ¿Zhi mebẽrã Jacobota, Joséta, Judata, Simónta duanu ẽka? ¿Zhi nawekꞌaurãsidꞌa nama dazhirãne edꞌa duanu ẽka? Aramaʉ̃ne Jesúsdꞌebema ĩjãna ẽbasia.

Juan 1:40

Andrés basia, Simón Pedro mebeara, ũmenebema abꞌa Andrés basia Juanba jarabʉrʉta ũrĩnape wãnapeadꞌara Jesús kꞌaidꞌu.

Juan 11:16

Mobebʉrʉ Tomás Memerã abadabara dewaraurã Jesúsba jʉrʉkuadꞌaa mawũãsia: Dazhirãsidꞌa wãnaña izhi bawara beudꞌe.

Juan 14:22

Mawũãĩ Juda awʉrʉba Iscariote ẽãba mawũãsia: Nokꞌó, ¿bʉara sãwũã daiaabʉrʉ bʉdꞌebemata kꞌawuabi nʉmaĩne kꞌawuabi nʉma ẽpe bʉdꞌebema ẽãta bꞌeara ẽjũãne?

Juan 21:2

Ãba duanasia Simón Pedrota, Tomás Memerã abadata, Natanael Caná pʉwʉrʉdꞌebemata, maʉ̃ pʉwʉrʉra Galilea druadꞌebema, dewara Zebedeo warrarãta, dewara ũme Jesúsba jʉrʉkuadꞌata.

Hechos 1:13

Jerusalén jũẽkuape wãrĩzekuasia kʉdꞌa ʉ̃rʉ̃bemaĩnu. Mobe mama duanesia Pedrota, Jacobota, Juanta, Andrésta, Felipeta, Tomásta, Bartolométa, Mateota, Jacobo Alfeo warrata, Simón Zeloteta, Juda Jacobo warrata.

Hechos 15:13

Ãzhi chupeadꞌai Jacoboba mawũãsia: Mebẽrã, mʉ bedꞌeata ũrĩũdua.

Hechos 21:18

Nrũẽma Pablo dai bawara wãsia Jacobo akʉdꞌe. Mama jõma zhi jʉre duanasia nokꞌorã mebẽrãneta.