Marcos 15:43 - Porciones del Nuevo Testamento

⁴³ Mawũẽ José Arimatea pʉwʉrʉdꞌebemata, nokꞌorã wagꞌaurãnebemaba Daizezeta Nokꞌodꞌebemata jʉ̃ã bꞌadꞌata zepe wãnigua edꞌa wãsia Pilatoma. Mobe widꞌisia Jesús kꞌakuata.

Marcos 15:43 ပူးပေါင်းရင်းမြစ်များ

Mateo 19:30

Mawũãmina bio zhi zromata bꞌera zhi zroma ẽãta duaneña, waya zhi zroma ẽãta bꞌeta zhi zromata duaneña.

Mateo 20:16

Aramaʉ̃ kĩrãkꞌa zhi zromata bꞌeta zhi zroma ẽãta duaneña, waya zhi zroma ẽãta bꞌeta zhi zromata duaneña, maʉ̃ẽnabema Daizezebara bio trʉ̃kua nʉmʉkꞌãrĩã, mawũãmina bio ẽã zhi jʉrʉmarã.

Mateo 27:57

Keubodꞌodꞌe bara bꞌʉta zesia Arimatea pʉwʉrʉdꞌebemata José abadata, izhabidꞌa Jesús pẽwã bꞌasia.

Marcos 14:54

Pedrora arajĩga kꞌaidꞌu wãsia sacerdote wagꞌau drogꞌoaidꞌu edꞌa. Mobe Daizeze de akʉbada bawara jewedꞌasia tebʉ kꞌã.

Marcos 15:44

Mawũẽ Pilatobara krĩchasia sãwũã mawũã ĩñabasia beuta. Maʉ̃neba soldaorã nokꞌota trʉ̃pe widꞌisia ya beusi kꞌawuaita.

Lucas 2:25

Maʉ̃ne Jerusalénne bꞌasia Simeón abadata, biata bꞌʉta Daizeze kĩrãbita kĩrãẽpa bꞌasia, maʉ̃bara jʉ̃ã bꞌasia Israel ẽdrʉbigaidꞌebemata. Jawurebiara bꞌasia izhi ũme.

Lucas 2:38

Maʉ̃sidꞌa Simeón kꞌobꞌʉdꞌe zepe zhibia jisia Daizezea, mobe wũãwũãnebemata jõmaʉ̃ã jarakꞌasia ãzhi ẽdrʉbigaita jʉ̃ã bꞌea Jerusalénne.

Lucas 23:50

José abadata bꞌasia Arimatea pʉwʉrʉdꞌebemata, maʉ̃ pʉwʉrʉra Judea druadꞌebema. Nokꞌorã wagꞌaurãnebemata maʉ̃ biata bꞌasia.

Lucas 23:51

Maʉ̃bidꞌa jʉ̃ã bꞌasia Daizezeta Nokꞌodꞌebemata. Mawũẽ krĩcha abꞌarika ẽbasia mawũã obʉdara jarirãba.

Juan 19:38

Maʉ̃ tẽã José Arimatea pʉwʉrʉdꞌebemata judíorã wawiaba Jesús chupea pẽwã bꞌʉta Pilatoa zuburia bedꞌeasia idu edebimarẽã Jesús kꞌakuata, mawũẽ Pilatobara idaribisia. Mawũẽ zepe edesia Jesús kꞌakuara.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.

Hechos 17:12

Aramaʉ̃ne judíorã bioba ĩjãsidꞌa, griegorã bioba ĩjãsidꞌa wũẽrãrã zhi zromarãba, zhũmakĩrãrãba.