Marcos 15:21 - Porciones del Nuevo Testamento

²¹ Maʉ̃ne Cirene pʉwʉrʉdꞌebemata Simónta Alejandroba, Rufoba ãzhi zezeta meã bꞌadꞌata taidꞌe zareadꞌe ataubisidꞌa Jesúsba cruz a wãta.

Marcos 15:21 ပူးပေါင်းရင်းမြစ်များ

Mateo 27:32

Jerusalénneba ãĩ wãbʉdadꞌera ũdusidꞌa Cirene pʉwʉrʉdꞌebemata Simón abadata, maʉ̃ã zareadꞌe ataubisidꞌa Jesúsba cruz a wãta.

Mateo 5:41

Bariduba ne zʉgʉata bʉzhi poeayeedꞌa zareadꞌe ataubira poeama ũme ataurua.

Marcos 15:20

Ãzhima sewakꞌau bꞌʉdꞌeba mawũã jirpanape wua granatera wẽãsidꞌa, mobe wua izhidꞌeta jʉ̃bidꞌape edesidꞌa cruzdꞌe kꞌachidꞌaita.

Lucas 14:27

Iabꞌaʉba bebudꞌe basiidꞌu mʉta pẽwã ẽbʉrʉ mʉ pẽwã bꞌʉta bꞌʉ ẽã.

Lucas 23:26

Edebʉdadꞌera Simón Cirene pʉwʉrʉdꞌebemata jidasidꞌa meã bꞌadꞌata taita, mobe cruzta ataubisidꞌa edemarẽã Jesús kꞌaidꞌu.

Juan 19:17

Jesúsbara izhi cruz ataupe wãsia Buru Bꞌʉwʉrʉ abadaidꞌu, hebreo bedꞌeadꞌera Gólgota abada.

Hechos 11:20

Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.

Hechos 13:1

Mebẽrã Antioquía pʉwʉrʉdꞌe bꞌe maẽ bꞌeasia Daizezeba bedꞌeata jarabibarirãta, miã ũrãgꞌabadata: Ãzhira bꞌeasia Bernabéta, Simónta, Simón abꞌaʉta Níger basia, Lucio Cirene pʉwʉrʉdꞌebemata, Manaén rey Herode ũme waridꞌata, Saulota bꞌeasia.

Hechos 2:10

Frigia druadꞌebema, Panfilia druadꞌebema, Egipto druadꞌebema, África drua Cirene audre wawaraidꞌubema, dewara Romanebemata nama bꞌea, judíorãta bꞌea, judío ẽãta judío bape bꞌea.

Hechos 6:9

Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.

Romanos 16:13

Saludo diaudua Rufo Nokꞌo Cristoba jʉrʉdꞌara, saludo diaudua zhi papasidꞌa, mʉĩtabidꞌa izhira mʉ papa kĩrãkꞌa bꞌʉa.