Marcos 14:61 - Porciones del Nuevo Testamento

⁶¹ Mawũãĩ Jesús chupea kꞌobꞌʉba panaʉ̃ ẽbasia. Mawũẽ sacerdote wagꞌaubara wakusa widꞌi mawũãsia: ¿Bʉra zhãrã Ẽdrʉbita Daizeze Warrakꞌa?

Marcos 14:61 ပူးပေါင်းရင်းမြစ်များ

Mateo 16:16

Mawũãĩ Simón Pedroba panaʉ̃ mawũãsia: Bʉra zhãrã Ẽdrʉbita Daizeze zokꞌai bꞌʉ Warra.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Mateo 8:29

Mawũẽ nemi jĩgua mawũãsidꞌa: ¿Dai bawara bʉra kꞌãrẽta sãwũã bꞌʉ Jesús Daizeze Warra? ¿Naĩnu zebʉrʉka dai zuburia oita ewari nawedꞌa?

Marcos 14:60

Mawũẽ sacerdote wagꞌauta ãzhi ẽsadra piradrʉpe Jesúa widꞌi mawũãsia: ¿Bʉara panaʉ̃ ẽka? ¿Wãrĩnuka naʉ̃rãba jarabʉdara bʉdꞌebemata?

Marcos 15:2

Mawũẽ Pilatobara widꞌi mawũãsia: ¿Bʉra Rey judíorãneka? Mawũãĩ Jesúsbara panaʉ̃ mawũãsia: Ara bʉzha jarabʉrʉa.

Juan 1:34

Mawũã jaradꞌata mʉãrã izhira ũdubʉrʉa, mawũẽ mʉãrã jarabʉrʉa naʉ̃ Daizeze Warrata.

Juan 10:24

Maʉ̃ne judíorãba bʉredrʉdꞌape mawũãsidꞌa: ¿Bʉara daira sõmbeedꞌa bʉdꞌebema bia kꞌawuabiga ẽã erunʉmaĩpe? Bʉta zhãrã Ẽdrʉbibʉrʉ daia jipa jaradua.

Juan 10:36

¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 19:7

Mawũãĩ judíorãbara panaʉ̃ mawũãsidꞌa: Daibara erubꞌea ũrãgꞌata, mawũẽ dai ũrãgꞌaba jara bꞌʉdꞌera beuibara izhikusa Daizeze Warradꞌe bꞌʉdꞌeba.

Juan 19:9

Mawũẽ izhita nokꞌota bꞌʉ dedꞌa wakusa edꞌa wãsia, mobe Jesúa mawũãsia: ¿Bʉra sãmabema? Mawũãmina Jesúsbara panaʉ̃ ẽbasia.

Hechos 8:32

Bedꞌeata zhi bꞌʉmata le kꞌobꞌadꞌara mawũã bꞌasia: Iabꞌa oveja kĩrãkꞌa beadꞌe edesidꞌa. Izhi kꞌara kꞌõbari kĩrãbita oveja chupeabari kĩrãkꞌa chupeasia izhira.