Marcos 14:41 - Porciones del Nuevo Testamento

⁴¹ Zema ũbeata zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.

Marcos 14:41 ပူးပေါင်းရင်းမြစ်များ

Mateo 26:2

Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.

Marcos 14:10

Juda Iscariote Jesúsba doce jʉrʉkuadꞌadꞌebemata sacerdoterã nokꞌorãma wãsia Jesús chãbꞌariita.

Marcos 14:18

Mobe jewedꞌa duanepe nekꞌobʉdadꞌera Jesúsbara mawũãsia: Mʉã wãrĩnu marãã jaraya, marãnebemata iabꞌa mʉ ũme nekꞌo kꞌobꞌʉba mʉrã chãbꞌariya.

Marcos 14:35

Mobe arajĩga wãpe egoroma bꞌarru kꞌobꞌepe zhiwidꞌisia Daizezema bigabʉrʉ izhira zuburiabi ẽbamarẽã.

Marcos 14:40

Mobe wakusa zebʉrʉdꞌera wakusa ũdusia kꞌãĩ nʉmeta, dapeaba ãzhi dabʉra kꞌabꞌari erunʉmasia. Mawũẽ kꞌawuadꞌa ẽbasia kꞌãrẽta jara panaʉ̃naĩrã.

Marcos 14:42

Pirabꞌariudua, wãdrʉ. Kꞌaita ba mʉ chãbꞌariira.

Marcos 7:9

Dewara mawũãsia: Daizezeba aribꞌaemarẽã jara bꞌʉra sãwũã seribidꞌa ẽbaita bia kꞌawua bꞌea, mazhidꞌeta aribꞌaedꞌai kꞌarea.

Marcos 9:31

Maʉ̃ẽnabema izhara ũrãgꞌa nʉmasia izha jʉrʉkuadꞌata, maʉ̃nerã mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya, maʉ̃nerã beadꞌaya. Mawũãmina beudꞌata piradrʉya ewari ũbeadꞌe.

Juan 12:23

Mawũẽ Jesúsbara panaʉ̃ mawũãsia: Ewarira arabasia mʉ Beubari Bape bꞌʉra beudꞌata piradrʉpe ʉ̃taa wãĩta.

Juan 12:27

Mʉrã sopua kꞌobꞌʉa. ¿Mʉãrã kꞌasia aipe? ¿Zeze mʉrã kꞌarebarua, mʉrã zuburiabirãrũã aika? Mawũãmina mʉrã zesia maʉ̃ kꞌarea.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 7:30

Mawũãbʉrʉ kꞌarea Jesús jida krĩñasidꞌa, mawũãmina miõba jida ẽbasia wadꞌi araba ẽãba izhi ewarita.

Juan 8:20

Jesúsbara maʉ̃ bedꞌeata jarasia ofrenda bꞌʉbada maẽ Daizeze dedꞌa ewara maẽ miã ũrãgꞌa nʉmʉba. Maʉ̃nerã miõba jidadꞌa ẽbasia wadꞌi araba ẽãba izhi ewarita.

Hechos 7:52

¿Daizezeba bedꞌeata jarabibarita bꞌeadꞌara zuburia odꞌaita pẽwã bꞌeasi ẽka marã zhibarirãbara? Ãzhara beasidꞌa Jesucristo zeita nawedꞌa jarabʉdara, marãbara izhira chãbꞌaridꞌape beabisidꞌa.