Marcos 14:20 - Porciones del Nuevo Testamento

²⁰ Mawũãnaĩ Jesúsbara panaʉ̃ mawũãsia: Mʉã doce jʉrʉkuadꞌaba abꞌaʉba mawũã chãbꞌariya, maʉ̃bara mʉrẽ kĩrãkꞌa panta sõmbera kꞌobꞌʉa epedꞌekꞌodꞌe.

Marcos 14:20 ပူးပေါင်းရင်းမြစ်များ

Mateo 26:23

Mawũãnaĩ Jesúsbara panaʉ̃ mawũãsia: Mʉ ũme abꞌaʉ epedꞌekꞌodꞌe nekꞌo kꞌobꞌʉba mʉrã maʉ̃ba chãbꞌariya.

Mateo 26:47

Jesús wadꞌi bedꞌea kꞌobꞌʉdꞌe izha doce jʉrʉkuadꞌadꞌebemata Judata zesia, izhi bawara zhãrã bio zesidꞌa kuchoedꞌa bakuruedꞌa, maʉ̃rã zokꞌasidꞌa sacerdoterã nokꞌorãba, nokꞌorã pʉwʉrʉdꞌebemaba.

Marcos 14:19

Mawũãĩ ãzhira sopuabʉdaba abꞌa abꞌaʉba mawũãsidꞌa: ¿Mawũã oira mʉka?

Marcos 14:21

Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.

Marcos 14:43

Jesús wadꞌi bedꞌea kꞌobꞌʉdꞌe zesia Judata, maʉ̃ docedꞌebema basia, izhi bawara zhãrã bio zesidꞌa kuchoedꞌa bakuruedꞌa. Maʉ̃rã zokꞌasidꞌa sacerdoterã nokꞌorãba, ũrãgꞌa Moisédꞌe jarabadaba, nokꞌorãba.

Lucas 22:47

Jesús wadꞌi bedꞌea kꞌobꞌʉdꞌe zhãrã bio zesidꞌa. Maʉ̃ne Juda abadata docedꞌebemata na taiba Jesús orrasia kĩrãma nigaita.

Juan 13:26

Mawũãĩ Jesúsbara panaʉ̃ mawũãsia: Mʉã panta sõmberape diataya, maʉ̃ta izhia. Mawũãpe pan sõmberape Juda Iscariotea diasia Simón warraa.

Juan 6:71

Mawũã jarabʉrʉbara Juda Iscarioteta jarasia Simón warrata, izhira maʉ̃ba chãbꞌarii baera mawũã jarasia, maʉ̃ docedꞌebema basia.