Marcos 13:27 - Porciones del Nuevo Testamento

²⁷ Mobebʉrʉ mʉãrã ángelerã mʉrẽrãta zokꞌaya, aramaʉ̃ne ãba jʉredꞌaya mʉã zhi jʉrʉmata baridu maẽ bꞌeta wawara bꞌeta.

Marcos 13:27 ပူးပေါင်းရင်းမြစ်များ

Mateo 12:42

Daizezeba zhãrã kꞌawua obʉrʉdꞌera Sabá druadꞌe reina bꞌidꞌabadara beudꞌata piradrʉya zhãrã idꞌi ewade bꞌe bawara, maʉ̃bara marã aduabimarẽã jaraya, maʉ̃ẽnabema izhira drua wawaraidꞌuba zesia Salomón krĩchata ũrĩne. Maʉ̃ne mʉ nama bꞌʉra audre zhi zroma Salomón kꞌãñabara.

Mateo 13:41

Mʉ Beubari Bape bꞌadꞌabara zokꞌaya ángelerã mʉrẽta, maʉ̃rãbara mʉta Reydꞌebemata jʉredꞌaya zhãrãta kꞌazhirua obi bꞌeta, bia ẽãta obꞌeta.

Mateo 13:49

Aramaʉ̃ kĩrãkꞌa berabꞌariya ewari nʉmʉta jõbʉrʉdꞌera. Ángelerã jʉ̃drʉkuape biarã ẽãta ãĩ bꞌʉdꞌaya biarã maẽba.

Mateo 24:22

Maʉ̃ ewarita Daizezeba kꞌakutua nʉmʉ ẽbʉrʉ miõta zokꞌai bꞌa ẽã. Mawũãmina izha zhi jʉrʉmata bꞌe kꞌarea maʉ̃ ewarira kꞌakutua nʉmʉña.

Mateo 24:24

Nʉmʉne zhãrã sewata zhãrã ẽdrʉbita duaneña, sewata Daizezeba bedꞌeata jarabibaridꞌe duaneña, ũdudꞌakꞌa zromata okuabʉdaba zhãrã sewadꞌaya, sewaita obꞌedꞌara Daizezeba zhi jʉrʉmata bꞌesidꞌa sewadꞌaya.

Mateo 24:31

Mobebʉrʉ mʉãrã ángelerã mʉrẽrãta zokꞌaya trompeta jĩgua zadꞌamarẽã, aramaʉ̃ne ãba jʉredꞌaya mʉã zhi jʉrʉmata baridu maẽ bꞌeta wawara bꞌeta.

Marcos 13:20

Maʉ̃ ewarita Daizezeba kꞌakutua nʉmʉ ẽbʉrʉ miõta zokꞌai bꞌa ẽã. Mawũãmina izha zhi jʉrʉmata bꞌe kꞌarea kꞌakutua nʉmʉsia maʉ̃ ewarira.

Marcos 13:22

Nʉmʉne zhãrã sewata zhãrã ẽdrʉbita bꞌeaya, sewata Daizezeba bedꞌeata jarabibaridꞌe bꞌeaya, ũdudꞌakꞌata odꞌaya zhãrã sewadꞌaita, sewaita obꞌedꞌara sewadꞌaya Daizezeba zhi jʉrʉmata bꞌesidꞌa.

Marcos 13:28

Bakuru higueradꞌeba sãwũãta kꞌawuaudua: Zhi jĩwĩnita wikubʉrʉdꞌera marãbara kꞌawuabada poagꞌa kꞌaita bata.

Lucas 16:22

Nʉmʉne zuburia bꞌʉra beubʉrʉdꞌera ángelerãba edesidꞌa Abraham bꞌʉ maẽ. Nʉmʉne bara bꞌʉsidꞌa beubʉrʉdꞌera wuagꞌasidꞌa.

Lucas 18:7

¿Kꞌõbe Daizezebara kꞌareba ẽka izha jʉrʉkuadꞌata izhaa bꞌia bꞌebʉrʉ ewaridꞌe, diamase? ¿Dããrã baika panuĩrã?

Juan 10:16

Mʉã dewara erubꞌʉa ovejarã naʉ̃ kꞌorradꞌebema ẽãta. Maʉ̃rãsidꞌa mʉãrã wei baraba maʉ̃rãbara mʉ bedꞌeara ũrĩnaña. Aramaʉ̃ne ãba duaneña, ãzhi akʉbarira abꞌa bꞌaya.

Juan 11:52

Bari judíorãbari beuita ẽã, awuarabʉrʉ beuita Daizeze warrarã abꞌa nʉmʉĩta druaza bꞌeta.

Romanos 8:33

¿Kꞌaiba ji nʉma bꞌeipe Daizezeba jʉrʉkuadꞌara? Daizezebara izhabʉrʉ bedꞌea ne ẽã bꞌʉbaria.