Marcos 13:23 - Porciones del Nuevo Testamento

²³ Mawũẽ marã kĩrãkuita bꞌeaudua, mʉãrã maʉ̃ta jõma marãã jarabʉrʉa nawedꞌa.

Marcos 13:23 ပူးပေါင်းရင်းမြစ်များ

Mateo 24:25

Ya mʉãrã maʉ̃ta marãã jarabʉrʉa nawedꞌa.

Mateo 7:15

Kĩrãkuita bꞌeaudua sewata Daizezeba bedꞌeata jarabibaridꞌe bꞌe kꞌarea, marãma zedꞌaya oveja zhãrã zuburia odꞌakꞌa kĩrãkꞌa, mawũãmina sodꞌera usa pãne kĩrãkꞌa zhãrã warrea ẽãta bꞌea.

Marcos 13:22

Nʉmʉne zhãrã sewata zhãrã ẽdrʉbita bꞌeaya, sewata Daizezeba bedꞌeata jarabibaridꞌe bꞌeaya, ũdudꞌakꞌata odꞌaya zhãrã sewadꞌaita, sewaita obꞌedꞌara sewadꞌaya Daizezeba zhi jʉrʉmata bꞌesidꞌa.

Marcos 13:24

Jari ewadera mawũã zuburia nʉmana tẽãne ʉ̃madaura pãrĩguya, jedꞌekꞌora ʉ̃na ẽbaya.

Marcos 13:33

Maʉ̃ba dauba bꞌeaudua, zhiwidꞌi bꞌeaudua, marãbara kꞌawuadꞌa ẽbaera mʉrã kꞌãrẽ ewade zeita.

Marcos 13:5

Mawũãnaĩ Jesúsbara panaʉ̃ mawũãsia: Kĩrãkuita bꞌeaudua miõã zhi sewabidꞌa ẽbaita.

Marcos 13:9

Mazhikusa kĩrãkuita bꞌeaudua, marã chãbꞌaridꞌaya nokꞌorã wagꞌaurãã, de zhi jʉrebada nʉme maẽ marã udꞌaya. Nokꞌorã kĩrãbita, reirã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya.

Lucas 21:34

Mazhikusa kĩrãkuita bꞌeaudua, mazhi soba krĩñane bꞌearãũdua, ituaba beu bꞌearãũdua, naʉ̃ ẽjũãnebemata krĩcha bꞌearãũdua. Mobedꞌeba mʉrã aritiaudꞌe marã ʉ̃rʉ̃ ze ẽbaya jari ewadera.

Lucas 21:8

Mawũãnaĩ Jesúsbara mawũãsia: Kĩrãkuita bꞌeaudua miõã zhi sewabidꞌa ẽbaita, nʉmʉne bio sewata mʉneba zebʉdabara mawũãnaña: Mʉrã zhãrã ẽdrʉbia, ẽjũã aduaira kꞌaita basia. Maʉ̃nerã maʉ̃rãta pẽwãrãũdua.

Juan 14:29

Mʉã maʉ̃ta marãã jarabʉrʉa mawũã berabꞌarii nawedꞌa, mawũã berabꞌaribʉrʉdꞌera ĩjãnamarẽã.