Marcos 12:37 - Porciones del Nuevo Testamento

³⁷ Davidba mawũã izhi Nokꞌoa adꞌara, ¿sãwũã bari kꞌãwũta izhidꞌeba uruta bꞌaipe? Kꞌabanabara Jesús bedꞌeara ũrĩ bꞌeasia ũrĩ krĩña.

Marcos 12:37 ပူးပေါင်းရင်းမြစ်များ

Mateo 1:23

Ãwũẽrã zhi aduagꞌaita bꞌiogꞌoape zhũmakĩrãta toya, maʉ̃ Emanuelta trʉ̃gadꞌaya. Maʉ̃ trʉ̃bara mawũã bꞌʉa: Daizezera dazhirã ũme bꞌʉa. (Isaías 7:14)

Mateo 11:25

Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Mateo 21:45

Maʉ̃ jarabʉrʉta ũrĩnaĩ sacerdoterã nokꞌorãbara fariseorãbara kꞌawuasidꞌa ãzhita jarabʉrʉta.

Mateo 21:46

Mawũẽ sãwũã jidadꞌaita krĩcha jʉrʉsidꞌamina, zhãrãta wawiasidꞌa zhãrãma Jesús Daizezeba bedꞌeata jarabibarita bꞌʉ baera.

Lucas 19:48

Mawũãmina kꞌawuadꞌa ẽbasia sãwũã beadꞌaita, jõmaʉ̃ba izhi bedꞌeara kĩrãkuita ũrĩ bꞌeba.

Lucas 21:38

Diapedꞌara zhãrã jõma izhima ze bꞌeasia izhi ũrãgꞌata ũrĩnaĩta Daizeze dedꞌa ewara maẽ.

Juan 12:9

Judíorãbara kꞌabanaba kꞌawuasidꞌa Jesús Betania pʉwʉrʉdꞌe bꞌʉta, mawũẽ maĩnu zesidꞌa, bari Jesús akʉdꞌe zedꞌa ẽbasia, awuarabʉrʉ Lázarosidꞌa akʉdꞌe zesidꞌa, beudꞌata Jesúsba piradrʉbidꞌata.

Romanos 9:5

Ãzhira Abrahamneba, Isaacdꞌeba, Jacobodꞌeba uruta bꞌea, ãzhidꞌeba naʉ̃ zharadꞌe zesia Cristora, izhira Daizezeta ne jõmaʉ̃ ʉ̃rʉ̃ bꞌʉa, mawũẽ ewari nʉmʉ jõma ibia jaradꞌaya. Amén.