Marcos 10:52 - Porciones del Nuevo Testamento

⁵² Mawũãĩ Jesúsbara mawũãsia: Wãrũã, bʉra soidꞌu kꞌobꞌʉba ẽdrʉbʉrʉa. Audre ẽãne ne ũdusia, mawũẽ Jesús kꞌaidꞌu tebasia odꞌe.

Marcos 10:52 ပူးပေါင်းရင်းမြစ်များ

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Mateo 12:22

Jesúsma wesidꞌa jai abꞌʉta daʉbꞌerrea nemi ze ẽã bꞌʉta. Mawũẽ bꞌebibʉrʉba daʉbꞌerrea nemi ze ẽã bꞌadꞌara ne ũdu bedꞌeasia.

Mateo 15:28

Mawũãĩ Jesúsbara panaʉ̃ mawũãsia: Wũẽrã, bʉra kꞌãbãẽã soidꞌu kꞌobꞌʉdꞌeba aribꞌae nʉmaẽdaya bʉa krĩñane. Izhi kꞌaura bꞌesia aramaʉ̃ta.

Mateo 21:14

Daizeze dedꞌa ewara maẽ Jesús orrasidꞌa daʉbꞌerrea bꞌeba, wã bꞌe ẽã bꞌeba, mawũẽ bꞌebikuasia.

Mateo 8:3

Mawũãĩ Jesúsbara juwuaba tõbꞌari mawũãsia: Mʉãrã krĩña bꞌʉa, mawũẽ bʉra nene ẽã bꞌidꞌa! Audre ẽãne izhi aidꞌara nebasia.

Mateo 9:22

Maʉ̃ne Jesúsbara pʉrʉwa akʉpe mawũãsia: Wũẽrã bʉra wãniguarua, bʉra soidꞌu kꞌobꞌʉba ẽdrʉbʉrʉa. Maʉ̃ wũẽrã bꞌesia aramaʉ̃ta.

Marcos 1:31

Mawũẽ Jesúsbara orrape juwuadꞌe jidape piradrʉbisia. Mawũẽ kʉwamiãbara aramaʉ̃ta kenabꞌaribʉrʉba izhara ne jigasia

Marcos 5:34

Mawũẽ Jesúsbara mawũãsia: Wũẽrã, bʉra bʉzhi soidꞌu kꞌobꞌʉba bꞌebʉrʉa. Adu-a wãrũã, bꞌe bꞌidꞌa bʉ kꞌaya bꞌadꞌara.

Marcos 8:25

Mawũãĩ wakusa juwuata dabʉza ʉ̃rʉ̃ bꞌʉbʉrʉba ne ũdubisia. Aramaʉ̃ne ne ũdu bꞌesia, mawũẽ wawarauba bi-ia ũdusia ne jõma.

Lucas 7:50

Maʉ̃ne Jesúsbara wũẽrãã mawũãsia: Bʉzhi soidꞌu kꞌobꞌʉba ẽdrʉbʉrʉa, wãrũã adu-a.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Juan 9:32

Ũrĩnakꞌa iabꞌaʉba ne ũdubisia abʉdara iabꞌa daʉbꞌerrea todꞌata.

Juan 9:39

Jesúsbara mawũãsia: Zhãrã kꞌawua oi kꞌarea mʉrã zesia naʉ̃ ẽjũãẽna. Aramaʉ̃ne Daizezedꞌebema ũdu ẽã bꞌebara ũdudꞌamarẽã, waya ũdu bꞌedꞌe bꞌebara ũdu ẽã bꞌeamarẽã.

Hechos 26:18

Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.