Marcos 10:47 - Porciones del Nuevo Testamento

⁴⁷ Maʉ̃ne Jesús Nazaredꞌebemata ũrĩĩ nemi jĩgua mawũãsia: ¡Jesús, bʉra rey Davidꞌeba uruta bꞌʉba mʉrã sozuburiarua!

Marcos 10:47 ပူးပေါင်းရင်းမြစ်များ

Mateo 1:1

Jesucristo urudꞌebemata bꞌeadꞌa trʉ̃ta naʉ̃ne bꞌʉ tabꞌʉa. Jesucristora rey Davidꞌeba uruta Abrahamneba urua.

Mateo 12:23

Mawũẽ zhãrã jõmaʉ̃ba bia akʉdrua mawũãsidꞌa: ¿Naʉ̃ ẽka Nokꞌota rey Davidꞌeba urura?

Mateo 15:22

Maʉ̃ne wũẽrã Canaán druadꞌebemaba nemi jĩgua mawũãsia: ¡Nokꞌó, bʉra rey Davidꞌeba uruta bꞌʉba mʉta sozuburiarua! Mʉ kꞌauta kꞌãbãẽã zuburia bꞌʉa jaiba.

Mateo 2:23

Mawũã wãpe pʉwʉrʉ Nazaret abada maẽ bꞌesia, mawũẽ arimaẽ berabꞌarisia Jesúsdꞌebemata Daizezeba bedꞌeata jarabibarirãba mawũãnapeadꞌata: Izhira Nazaredꞌebema adꞌaya.

Mateo 20:30

Maʉ̃ne daʉbꞌerrea panʉta ũme o kꞌaita jewedꞌa panʉne, Jesús berabꞌari wãta ũrĩnaĩ nemi jĩgua mawũãsidꞌa: ¡Nokꞌó, bʉra rey Davidꞌeba uruta bꞌʉba sozuburiarua daira!

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Mateo 21:9

Zhãrãbara na wãba tẽã uruba nemi jĩgua mawũãsidꞌa: ¡Bʉra ibia jaradꞌaya rey Davidꞌeba urura! ¡Ibia jaradꞌaya Daizezedꞌeba zebʉrʉra! ¡Daizezera ibia jaraudua ʉ̃trera! (Salmos 118:25-26)

Mateo 26:71

Puertaidꞌu izhi wãbʉrʉdꞌera wũẽrã awʉrʉba ũdupe mama kꞌobꞌea mawũãsia: Naʉ̃sidꞌa bꞌasia Jesús Nazaredꞌebema bawara.

Mateo 9:27

Mamaʉ̃ba Jesús wãbʉrʉdꞌera, ũme daʉbꞌerrea panʉta kꞌaidꞌu taidꞌaba nemi jĩgua mawũãsidꞌa: Daira sozuburiarua bʉra rey Davidꞌeba uruta bꞌʉba.

Marcos 1:24

¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Lucas 4:16

Jesús wãsia Nazaret pʉwʉrʉedꞌa izhi waridꞌaidꞌu. Ẽnaʉ̃bada ewade de zhi jʉrebada maẽ edꞌa wãsia izhi kꞌawa bꞌʉ kĩrãkꞌa, mobe piradrʉsia Daizeze bedꞌeata leita.

Juan 1:46

Mawũãĩ Natanaelbara mawũãsia: ¿Nazaredꞌebara biara ʉ̃tʉ zeita bꞌʉka? Mawũãĩ Felipebara mawũãsia: Zerua akʉdꞌe.

Juan 19:19

Kꞌãrẽã beadꞌaita Pilatobara bꞌʉpe cruzdꞌe jirabꞌidꞌapʉta mawũã bꞌasia: Jesús NAZAREDꞌEBEMA Rey judíorãneã.

Juan 7:41

Waya ʉ̃kʉrʉbara mawũãsidꞌa: Naʉ̃ zhãrã Ẽdrʉbia. Mawũãmina ʉ̃kʉrʉbara mawũãsidꞌa: ¿Galileadꞌebara ʉ̃tʉ zeita bꞌʉka zhãrã Ẽdrʉbiira?

Juan 7:52

Mawũãĩ panaʉ̃ mawũãsidꞌa: ¿Bʉsidꞌa Galileadꞌebemakꞌa? Daizeze bedꞌeata bia estudiadua, mawũãrã kꞌawuaya Galileadꞌebara piradrʉkꞌata Daizezeba bedꞌeata jarabibarira.

Hechos 6:14

Daibara ũrĩsidꞌa izha jarabʉrʉta Jesús Nazaredꞌebemaba naʉ̃ Daizeze dera ãrĩĩta, aramaʉ̃ne awuara nʉmʉĩta Moiséba kꞌawabigadꞌata.