Marcos 10:43 - Porciones del Nuevo Testamento

⁴³ Mawũãmina marã mawũã duanaĩne bꞌʉ ẽã, awuarabʉrʉ marãnebema zhi zromata bꞌa krĩña bꞌʉra bꞌaibara dewaraurãta aribꞌaebarita.

Marcos 10:43 ပူးပေါင်းရင်းမြစ်များ

Marcos 10:42

Mawũẽ Jesúsbara trʉ̃kuape mawũãsia: Marãbara kꞌawua bꞌea naʉ̃ ẽjũãne nokꞌota bꞌebara zhãrã ãzhi edre erunʉmeã, zhi zromata bꞌera aramaʉ̃ne zhãrã ʉ̃rʉ̃ zarea nʉmeã.

Marcos 10:44

Marãnebema zhi zromata bꞌa krĩña bꞌʉra bꞌaibara jõmaʉ̃ nezokꞌata.

Marcos 9:35

Mawũẽ Jesús jewedꞌape izha jʉrʉkuadꞌa doceta trʉ̃pe mawũãsia: Iabꞌa zhi zromata bꞌa krĩña bꞌʉbʉrʉ, jõmaʉ̃ kꞌãñabara zhi zroma ẽãne bꞌaibara, aramaʉ̃ne dewaraurãta jõma aribꞌaebarita bꞌaibara.

Lucas 14:11

Bariduta zhi zromane bꞌʉra zhi zroma ẽãta bꞌeya, waya zhi zroma ẽãne bꞌʉta zhi zromata bꞌeya.

Lucas 18:14

Mʉã marãã jaraya, maʉ̃ bedꞌea ne ẽã dedꞌaa wãsia dewarabema kꞌãñabara. Bariduta zhi zromane bꞌʉra Daizezebara zhi zroma ẽãta bꞌʉya, waya zhi zroma ẽãne bꞌʉta zhi zromata bꞌʉya.

Lucas 22:26

Mawũãmina marã mawũã bꞌearãũdua, awuarabʉrʉ marãnebemata zhi zromata bꞌʉra zhi zroma ẽãne bꞌaibara. Nokꞌota bꞌʉra nezokꞌa kĩrãkꞌa bꞌaibara.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Juan 18:36

Mawũãĩ Jesúsbara panaʉ̃ mawũãsia: Mʉrã naʉ̃ ẽjũãne Reyta bꞌaidꞌebema ẽã. Mʉta naʉ̃ ẽjũãne Reyta bꞌaidꞌebemabʉrʉ mʉta aribꞌae bꞌera zhõkꞌausidꞌa mʉta chãbꞌaridꞌa ẽbamarẽã judíorãã. Mawũãmina mʉrã nama Reyta bꞌaidꞌebema ẽã.

Romanos 12:2

Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.