Marcos 10:34 - Porciones del Nuevo Testamento

³⁴ Mʉrã ãzhima sewakꞌau bꞌʉdꞌeba udꞌaya, dau idꞌodꞌaya, aramaʉ̃ne beadꞌaya, mawũãmina ewari ũbeadꞌe beudꞌata piradrʉya.

Marcos 10:34 ပူးပေါင်းရင်းမြစ်များ

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 26:67

Aramaʉ̃ne dau idꞌo jirpanesia kĩrãma, jirachi jirpanesia, dabʉ pãrĩnape ʉ̃kʉrʉbara kĩrãma tachi jirpanʉta,

Mateo 27:63

mawũãsidꞌa: Nokꞌó, daibara bude basidꞌa jari sewa nebʉrʉmiãbara zokꞌai bꞌasidꞌera mawũãsia: Mʉrã ewari ũbeadꞌe beudꞌata piradrʉya.

Marcos 14:63

Mawũãĩ sacerdote wagꞌaubara kĩrũbiba izhikusa izhi wuata kꞌõẽtape mawũãsia: ¿Izhi ʉ̃rʉ̃ kꞌãrẽta ãmaña jaradꞌamarẽã nesidꞌa bꞌeaipe?

Marcos 14:65

Aramaʉ̃ne ʉ̃kʉrʉbara dau idꞌo jirpanesia, kĩrã pãrĩnape jirachi jirpanʉta mawũãsidꞌa: Ari maẽ jaradua kꞌaiba jirachita. Daizeze de akʉbadabidꞌa tachi jirpanesia kĩrãma.

Marcos 9:31

Maʉ̃ẽnabema izhara ũrãgꞌa nʉmasia izha jʉrʉkuadꞌata, maʉ̃nerã mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya, maʉ̃nerã beadꞌaya. Mawũãmina beudꞌata piradrʉya ewari ũbeadꞌe.

Lucas 23:11

Mobebʉrʉ Herodebara soldaorã izhidꞌe bawarauba kꞌãrẽ ẽãne edabʉdata ãzhima sewakꞌau bꞌʉdꞌeba reyba jʉ̃bari kĩrãkꞌa wua kĩrãwãrẽãta jʉ̃bisidꞌa, mobe wakusa edebisidꞌa Pilatoma.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 2:10

mawũãsia: Jõmaʉ̃ba naara vino zhi biata dedꞌekabada, mawũẽ bio dobʉdadꞌera vino zhi bia ẽãta dedꞌekabada. Mawũãmina bʉara vino zhi biara wuagꞌasia tẽã dedꞌekaita.