Marcos 10:17 - Porciones del Nuevo Testamento

¹⁷ Jesús wãne iabꞌa wãẽba zepe izhi kĩrãbita sãkꞌokꞌodꞌe kꞌobꞌepe widꞌi mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽta oi barape Daizeze ũme bꞌai jõ ẽãta jidaira?

Marcos 10:17 ပူးပေါင်းရင်းမြစ်များ

Mateo 17:14

Kꞌatumaneba kꞌabanama zebʉdadꞌera ũmakĩrãta Jesúsma zepe izhi kĩrãbita sãkꞌokꞌodꞌe kꞌobꞌepe mawũãsia:

Mateo 25:34

Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Mateo 28:8

Mawũãĩ ãzhira peña zobꞌeata nʉmʉ maẽbara pera kꞌãbãẽã sobia wãbʉdata, wãẽba wãsidꞌa maʉ̃ta jaradꞌe izha jʉrʉkuadꞌaa.

Marcos 1:40

Jesúsma zesia aidꞌaba kꞌaya bꞌʉta, mobe zuburia bedꞌea sãkꞌokꞌodꞌe kꞌobꞌepe mawũãsia: Bʉa krĩñabʉrʉ mʉrã nene ẽã bꞌebirua.

Marcos 10:18

Mawũãĩ Jesúsbara mawũãsia: ¿Bʉara mʉrã kꞌãrẽã biata jarabʉrʉ? Miõta biata bꞌʉ ẽã, awuarabʉrʉ biara abꞌabai bꞌʉa Daizezeta.

Marcos 12:14

Mawũẽ maʉ̃rã zekuape mawũãsidꞌa: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, bʉra krĩcha zhãrãneã zhi edebi ẽã bʉara akʉ ẽbaera zhãrãnebemata. Awuarabʉrʉ wãrĩnuta jara bꞌʉa Daizeze ota. ¿Diasia bꞌʉka rey César plata diabadara, o dia bꞌe ẽ? ¿Diadꞌaidꞌe bꞌʉka o diadꞌaidꞌe bꞌʉ ẽ?

Marcos 9:25

Kꞌabana bʉredrʉbʉdata Jesúsba ũdui jaira kẽãbʉrʉta mawũãsia: Jai zhãrã bedꞌeabi ẽãrã ne ũrĩbi ẽãrã mʉã bʉaa jaraya, kꞌãʉ̃nebara ãĩ wãrũã, mobe wueta edꞌa wãrãrũã kꞌãʉ̃ne.

Lucas 10:25

Ũrãgꞌa Moisédꞌe jarabarita piradrʉpe wãẽãbiita Jesúa mawũãsia: Miã Ũrãgꞌabari, ¿mʉã kꞌãrẽ obʉrʉba jidaipe Daizeze ũme bꞌai jõ ẽãrã?

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 5:39

Daizeze bedꞌeata zhi bꞌʉmarã marãbara kĩrãkuita estudia bꞌea, mazhima maʉ̃neba erubꞌeba Daizeze ũme bꞌai jõ ẽãta, mawũã zhi bꞌʉmabara jara bꞌʉa mʉnebemata.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Hechos 16:30

Mobe ãzhira ãĩ wepe mawũãsia: ¿Mʉãrã kꞌãrẽta oibarape ẽdrʉira?

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Hechos 20:32

Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 9:6

Mawũãĩ Saulobara peraba ure mawũãsia: Nokꞌó, ¿bʉara mʉã kꞌãrẽta oita krĩñape? Mawũãĩ Nokꞌobara mawũãsia: Piradrʉpe pʉwʉrʉedꞌa wãrũã, mama jaradꞌaya bʉa kꞌãrẽ oita.

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.