Marcos 1:24 - Porciones del Nuevo Testamento

²⁴ ¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Marcos 1:24 ပူးပေါင်းရင်းမြစ်များ

Mateo 2:23

Mawũã wãpe pʉwʉrʉ Nazaret abada maẽ bꞌesia, mawũẽ arimaẽ berabꞌarisia Jesúsdꞌebemata Daizezeba bedꞌeata jarabibarirãba mawũãnapeadꞌata: Izhira Nazaredꞌebema adꞌaya.

Mateo 8:29

Mawũẽ nemi jĩgua mawũãsidꞌa: ¿Dai bawara bʉra kꞌãrẽta sãwũã bꞌʉ Jesús Daizeze Warra? ¿Naĩnu zebʉrʉka dai zuburia oita ewari nawedꞌa?

Marcos 1:23

Maʉ̃nerã de zhi jʉrebada maẽ ũmakĩrãta kꞌobꞌasia jai abꞌʉta, maʉ̃ jaidꞌeba bꞌia mawũãsia:

Marcos 1:25

Mawũãĩ Jesúsbara kẽã mawũãsia: ¡Chupearua, kꞌãʉ̃nebara ãĩ wãrũã!

Marcos 10:47

Maʉ̃ne Jesús Nazaredꞌebemata ũrĩĩ nemi jĩgua mawũãsia: ¡Jesús, bʉra rey Davidꞌeba uruta bꞌʉba mʉrã sozuburiarua!

Marcos 14:67

Maʉ̃ne Pedro tebʉ kꞌã kꞌobꞌʉta ũdui akʉpe mawũãsia: Bʉsidꞌa bꞌasia Jesús Nazaredꞌebema bawara.

Marcos 16:6

Mawũẽ maʉ̃bara mawũãsia: Perarãũdua, marãbara jʉrʉ panʉã Jesús Nazaredꞌebema cruzdꞌe kꞌachidꞌapeadꞌata. Beudꞌata piradrʉsia, nama ne ẽã. Akaudua izhi tabꞌʉdꞌapeadꞌata.

Marcos 5:7

Izhidꞌeba jaibara nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Daizeze daidꞌu mʉã bʉaa jaraya, mʉta zuburia orãrũã.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Lucas 4:34

Daira idaribirua. ¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Lucas 8:28

Jesústa ũdui kꞌãbãẽã bꞌiasia, mobe Jesús jẽrũ kꞌaita ju kꞌobꞌepe nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Mʉ biata odua mʉta zuburia orãrũã.

Lucas 8:37

Mobebʉrʉ kꞌabanata Gadara druadꞌebemarã Jesúa zuburia bedꞌeasidꞌa wãmarẽã ãzhi maẽbara, ãzhira kꞌãbãẽã pera kꞌobꞌeasia. Mawũẽ Jesús jãbadꞌe bꞌaripe wãsia.

Juan 6:69

Maʉ̃ daibara ĩjã bꞌea, aramaʉ̃ne daiba kꞌawua bꞌedꞌera bʉra zhãrã Ẽdrʉbita Daizeze zokꞌai bꞌʉ Warra.

Hechos 2:27

Bʉara mʉ jawurera ãmaẽ ẽã beudꞌata bꞌe maẽrã, mʉrã bʉ nezokꞌa kĩrãẽpa bꞌʉra bꞌerawabi ẽã.

Hechos 24:5

Daibara kꞌawuasidꞌa ũmakĩrã naʉ̃ ne kꞌazhiruata, ẽjũã jõmaʉ̃ maẽ judíorã jõma kĩrũbiga bꞌʉa, Nazaredꞌebema ũrãgꞌadꞌe bꞌe nokꞌoa.

Hechos 3:14

Aramaʉ̃ne marãbara ẽnabidꞌa ẽbasia Bedꞌea Ne Ẽãta Biata Bꞌʉra, awuarabʉrʉ ẽnamarẽã widꞌisidꞌa miã beamiãta.

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.