Marcos 1:23 - Porciones del Nuevo Testamento

²³ Maʉ̃nerã de zhi jʉrebada maẽ ũmakĩrãta kꞌobꞌasia jai abꞌʉta, maʉ̃ jaidꞌeba bꞌia mawũãsia:

Marcos 1:23 ပူးပေါင်းရင်းမြစ်များ

Mateo 12:43

Jaita zhãrãneba ẽdrʉbʉrʉdꞌera drua drudrua tabꞌʉ maẽ põãsãne nimi baebaria, sãma bꞌaita jʉrʉbarimina ũdukꞌa.

Marcos 1:22

Mawũã miã ũrãgꞌabʉrʉdꞌera bia akʉdruasidꞌa ãzhita ũrãgꞌabʉrʉ baera miã ũrãgꞌai zareata erubꞌʉdꞌeba, aramaʉ̃nerã ũrãgꞌa Moisédꞌe jarabada kĩrãkꞌa ẽbasia.

Marcos 1:24

¿Bʉra dai bawara kꞌãrẽta sãwũã bꞌʉ Jesús Nazaredꞌebema? ¿Bʉra zebʉrʉka dai ãrĩĩta? Bʉra kꞌaita mʉã kꞌawua bꞌʉa, bʉra Daizezedꞌea.

Marcos 1:29

De zhi jʉrebada maẽba Jesús ãĩ zepe Simónta, Andrésta panʉ dedꞌa wãsidꞌa Jacobo bawara, Juan bawara.

Marcos 1:34

Maʉ̃nerã bio bꞌebikuasia ne kĩrãtõnoãba kꞌaya bꞌeta, zhãrãnebara jaira bio ãĩ jʉrekuasia. Jaira bedꞌeabiga ẽbasia izhira kꞌaita kꞌawua bꞌe baera.

Marcos 1:39

Aramaʉ̃ne de zhi jʉrebada nʉme maẽ miã ũrãgꞌasia Galilea drua jõma, ãĩ jʉrekua bꞌasia jaisidꞌa.

Marcos 5:2

Jesús jãbadꞌeba udꞌubꞌaebʉrʉdꞌera beuwãrã wuagꞌaita peña zobꞌeata nʉme maẽba izhima zesia jaiba ũmakĩrã kĩrãnema bꞌʉta.

Marcos 7:25

Wũẽrãneta kꞌauta jai abꞌasia, mawũẽ izhi ʉ̃rʉ̃ ũrĩĩ zepe ju kꞌobꞌesia izhi jẽrũ kꞌaita.

Marcos 9:25

Kꞌabana bʉredrʉbʉdata Jesúsba ũdui jaira kẽãbʉrʉta mawũãsia: Jai zhãrã bedꞌeabi ẽãrã ne ũrĩbi ẽãrã mʉã bʉaa jaraya, kꞌãʉ̃nebara ãĩ wãrũã, mobe wueta edꞌa wãrãrũã kꞌãʉ̃ne.