Marcos 1:22 - Porciones del Nuevo Testamento

²² Mawũã miã ũrãgꞌabʉrʉdꞌera bia akʉdruasidꞌa ãzhita ũrãgꞌabʉrʉ baera miã ũrãgꞌai zareata erubꞌʉdꞌeba, aramaʉ̃nerã ũrãgꞌa Moisédꞌe jarabada kĩrãkꞌa ẽbasia.

Marcos 1:22 ပူးပေါင်းရင်းမြစ်များ

Mateo 13:54

Izhi druaedꞌa zepe miã ũrãgꞌasia de zhi jʉrebada maẽ, mawũẽ bia akʉdrua mawũãsidꞌa: ¿Naʉ̃bara krĩchara sãmaʉ̃ba kꞌãwũã erubꞌʉ, sãwũã ũdudꞌakꞌata okua bꞌʉ?

Marcos 1:23

Maʉ̃nerã de zhi jʉrebada maẽ ũmakĩrãta kꞌobꞌasia jai abꞌʉta, maʉ̃ jaidꞌeba bꞌia mawũãsia:

Lucas 2:47

Izhi bedꞌeata ũrĩ nʉmebara bia akʉ duanasia krĩcha bara bꞌʉdꞌeba kꞌãrẽ bia panaʉ̃ bꞌʉba.

Lucas 21:15

Mʉãbʉrʉ marãã diaya bedꞌeata, krĩchata, maʉ̃nebema ãña panaʉ̃na ẽbaya miã mawũã ẽãta jaradꞌa ẽbaya marã jura kꞌobꞌebara.

Lucas 4:32

Maʉ̃nerã izhi miã ũrãgꞌabʉrʉdꞌera bia akʉdrua bꞌeasia izhira zarea bara bedꞌea bꞌʉba.

Juan 7:46

Mawũãnaĩ Daizeze deta akʉbadabara panaʉ̃ mawũãsidꞌa: ¡Miõta bi-ia bedꞌea ẽã kꞌãʉ̃ kĩrãkꞌara!

Hechos 6:10

Mawũãmina krĩchata poea bꞌedꞌa ẽbasia Jawurebiadꞌeba bedꞌea bꞌʉba.