Juan 1:38 - Porciones del Nuevo Testamento

³⁸ Maʉ̃ne Jesúsbara jẽrũya akʉbʉrʉdꞌe kꞌaidꞌu taidꞌata ũdui mawũãsia: ¿Marã kꞌãrẽta jʉrʉ panʉ? Mawũãĩ ãzhara mawũãsidꞌa: Rabí, bʉra ¿sãma bꞌʉ? Rabí bedꞌeabara jara krĩña bꞌʉa Miã Ũrãgꞌabarita.

Juan 1:38 ပူးပေါင်းရင်းမြစ်များ

Lucas 10:39

Martara mebea bara bꞌasia María abadata. Maʉ̃ Maríara Jesús jẽrũ kꞌaita jewedꞌa bꞌepe ũrĩ bꞌesia izhi bedꞌeata.

Lucas 14:25

Kꞌabanata izhi bawara wãne pʉrʉwape mawũãsia:

Lucas 15:20

Mawũã krĩchape zesia zhi zezema. Wawarawedꞌa zhi zezeba ũdui sozuburiape wãẽbasia. Mobe oburape kĩrãma nigasia.

Lucas 19:5

Jesús mama zepe ʉ̃taa akʉbʉrʉdꞌe ũdui mawũãsia: Zaqueo, ĩñabasia udꞌubꞌaedua, mʉ idꞌira ʉ̃nadrʉibara bʉ dedꞌa.

Lucas 22:61

Maʉ̃ne Nokꞌo Jesús pʉrʉwape akʉsia Pedrora, mobebʉrʉ Pedrobara bude basia Nokꞌo Jesúsba mawũãnata: Gallo berui nawedꞌa bʉara mʉ ũdukꞌata jarama ũbea jaraya.

Lucas 8:38

Maʉ̃ne jai bio abꞌadꞌara Jesúa zuburia bedꞌeasia bꞌabimarẽã izhi ũme. Mawũãmina Jesúsbara wãmarẽã jara mawũãsia:

Juan 1:37

Juanba jʉrʉkuadꞌata ũmebara mawũãbʉrʉta ũrĩnape Jesús kꞌaidꞌu wãsidꞌa.

Juan 1:39

Mawũãnaĩ mawũãsia: Akʉdꞌe zeudua. Mawũãĩ wãnape sãma bꞌʉta akʉsidꞌa, mobe maʉ̃ ewadera izhi ũme panesia kewara a las cuatro basi baera.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 12:21

Maʉ̃rãbara Felipeta orrasidꞌa, Felipera Betsaida pʉwʉrʉdꞌebema basia, maʉ̃ pʉwʉrʉra Galilea druadꞌebema, mawũã orradꞌape zuburia bedꞌea mawũãsidꞌa: Daibara ũdu krĩña panʉã Jesústa.

Juan 18:4

Mawũẽ Jesúsbara izhi sãwũã berabꞌariita kꞌawua kꞌobꞌʉba ãzhi orrape mawũãsia: ¿Kꞌaita jʉrʉ panʉ?

Juan 18:7

Jesúsbara wakusa widꞌi mawũãsia: ¿Kꞌaita jʉrʉ panʉ? Mawũãĩ mawũãsidꞌa: Jʉrʉ panʉã Jesús Nazaredꞌebemata.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 3:26

Maʉ̃rãta Juanma zedꞌape mawũãsidꞌa: Miã Ũrãgꞌabari, Jordán kĩrãrẽ bʉ ũme kꞌobꞌadꞌadꞌebemata bʉa daia jaradꞌabara zhãrã buru kꞌoekua nʉmʉã, mawũẽ jõma izhima ze nʉmʉã.

Juan 4:31

Maʉ̃ẽna izha jʉrʉkuadꞌabara ibiadꞌe jara mawũãsidꞌa: Miã Ũrãgꞌabari, nekꞌorua.

Juan 6:25

Aramaʉ̃ne do jedꞌea õbꞌʉ kĩrãrẽ ũdudꞌape mawũãsidꞌa: Miã Ũrãgꞌabari, ¿bʉra sõmbewedꞌa naĩnu zesi?

Hechos 10:21

Mawũãĩ Pedrora ũmakĩrãrã kꞌopanʉĩnu udꞌubꞌaebʉrʉta Cornelioba zokꞌakuadꞌaidꞌu duguepe mawũãsia: Mʉta izhia marãba jʉrʉ panʉrã. ¿Marã kꞌãrẽã zebʉda?

Hechos 10:29

Maʉ̃ba mʉta trʉ̃naĩ zesia ne jara ẽã. Mawũẽ mʉã widꞌiya: ¿Mʉrã kꞌãrẽã zebibʉda?