Hechos 9:41 - Porciones del Nuevo Testamento

⁴¹ Pedrobara juwuadꞌe jidape piradrʉbisia. Mobebʉrʉ trʉ̃sia Jesúsdꞌebema ĩjã bꞌeta, dewara trʉ̃sia pẽdrarãta, aramaʉ̃ne ũdubigasia zokꞌai.

Hechos 9:41 ပူးပေါင်းရင်းမြစ်များ

Marcos 1:31

Mawũẽ Jesúsbara orrape juwuadꞌe jidape piradrʉbisia. Mawũẽ kʉwamiãbara aramaʉ̃ta kenabꞌaribʉrʉba izhara ne jigasia

Lucas 7:12

Pʉwʉrʉdꞌe edꞌa wãbada kꞌaita zebʉrʉdꞌera, joudꞌe akꞌopanasia beuwãrãta, zhi papadꞌera wau maʉ̃trʉ abꞌabai bꞌasia, izhira pẽdra basia. Izhi bawara zhãrã bio kꞌopanasia pʉwʉrʉdꞌebemata.

Lucas 7:15

Beudꞌara aramaʉ̃ta piradrʉpe bedꞌeasia. Aramaʉ̃ne Jesúsbara diasia zhi papaa.

Hechos 20:12

Kũrã zokꞌai edebʉdaba kꞌãbãẽã sobiasidꞌa.

Hechos 3:7

Mawũãpe juwua arata jidape piradrʉbisia. Mawũẽ audre ẽãne zrawasia jẽrũta kꞌõrãkꞌõrãta.

Hechos 6:1

Maʉ̃ ewadera Jesúsdꞌebema ĩjã bꞌera eaba wãsia, maʉ̃ne griego bedꞌeadꞌe bedꞌea bꞌeba jara jirpanesia hebreo bedꞌeadꞌe bedꞌea bꞌeta, jarasidꞌa pẽdrarã griegorãnebema bia aribꞌaedꞌa ẽãta kꞌarebata ewariza nʉmʉnerã.

Hechos 9:13

Mawũãĩ Ananíabara panaʉ̃ mawũãsia: Nokꞌó, mʉãrã biodꞌeba ũrĩbaria maʉ̃nebemata, zuburia okua bꞌʉbidꞌa bʉdꞌebema ĩjã bꞌeta Jerusalénne.

Hechos 9:32

Pedrora jõmaʉ̃ma wã bꞌʉba zesia mebẽrã bꞌema Lida pʉwʉrʉdꞌe.