Hechos 9:40 - Porciones del Nuevo Testamento

⁴⁰ Jõma ãĩ wãbigape Pedro sãkꞌokꞌodꞌe kꞌobꞌepe zhiwidꞌisia. Mobe beuwãrãta akʉ mawũãsia: ¡Tabita, piradrʉrua! Dabʉ ogꞌabʉrʉdꞌe Pedrota ũdui jewedꞌasia.

Hechos 9:40 ပူးပေါင်းရင်းမြစ်များ

Mateo 6:6

Mawũãmina bʉ zhiwidꞌibʉrʉdꞌera miõ ne ẽã maẽ wãpe zhiwidꞌidua bʉ Zezea, izhira chupea bʉ ũme nʉmʉã. Mawũãrã bʉ Zezebara bʉ chupea maʉ̃ kꞌaudꞌa bꞌʉta akʉ bꞌʉra maʉ̃bari kꞌãrẽ diaya jõmaʉ̃ daidꞌu.

Mateo 9:25

Mawũãmina zhãrã ãĩ wãbigape edꞌa wãpe wũẽrã zakera juwuadꞌe jidabʉrʉba beudꞌata piradrʉsia.

Marcos 9:25

Kꞌabana bʉredrʉbʉdata Jesúsba ũdui jaira kẽãbʉrʉta mawũãsia: Jai zhãrã bedꞌeabi ẽãrã ne ũrĩbi ẽãrã mʉã bʉaa jaraya, kꞌãʉ̃nebara ãĩ wãrũã, mobe wueta edꞌa wãrãrũã kꞌãʉ̃ne.

Lucas 22:41

Mobe izhira ãzhi maẽbara arajĩga wãpe sãkꞌokꞌodꞌe kꞌobꞌepe zhiwidꞌibʉrʉta,

Lucas 8:54

Mawũãmina Jesúsbara juwuadꞌe jidape nemi jĩgua mawũãsia: ¡Wũẽrã zake, piradrʉrua!

Hechos 20:36

Maʉ̃ta jarape Pablo sãkꞌokꞌodꞌe kꞌobꞌepe zhiwidꞌisia ãzhi jõmaʉ̃ bawara.

Hechos 21:5

Ewarita arabai dai wãbʉdadꞌera jõmaʉ̃ba wũẽrãrã ãzhidꞌe bawarauba, ãzhi warrarã bawarauba daira pʉwʉrʉ ãĩ kꞌopayasidꞌa. Aramaʉ̃ne ibudꞌe sãkꞌokꞌodꞌe bꞌadape dai jõma zhiwidꞌisidꞌa.

Hechos 28:8

Maʉ̃nerã Publio zezera kʉdꞌadꞌe tabꞌasia kʉwamiãba ãmiba. Pablo edꞌa wãsia akʉdꞌe, mobe zhiwidꞌipe juwua ʉ̃rʉ̃ bꞌʉpe bꞌebisia.

Hechos 7:60

Mobe sãkꞌokꞌodꞌe kꞌobꞌepe nemi jĩgua mawũãsia: Nokꞌó, naʉ̃rãta bedꞌea bara bꞌeabirãrũã kꞌãwũã kꞌazhiruata obʉda kꞌarea. Mawũãpe beusia.