Hechos 9:17 - Porciones del Nuevo Testamento

¹⁷ Mawũãĩ Ananía wãpe deidꞌu wãsia, mobe juwua izhi ʉ̃rʉ̃ bꞌʉpe mawũãsia: Mebea Saulo, Nokꞌo Jesús bʉ zedꞌa odꞌe bʉaa zhi ũdubidꞌaba mʉta zokꞌasia bʉta wakusa ne ũdumarẽã, Jawurebiaba bira bꞌamarẽã.

Hechos 9:17 ပူးပေါင်းရင်းမြစ်များ

Mateo 19:13

Wũãwũãrãta ʉ̃kʉrʉ Jesúsma wesidꞌa ãzhi ʉ̃rʉ̃ juwua bꞌʉkua zhiwidꞌimarẽã. Mawũãmina izha jʉrʉkuadꞌabara zhi webʉdata kẽãsidꞌa.

Marcos 5:23

biodꞌe zuburia bedꞌeabʉrʉta mawũãsia: Mʉ kꞌauta beubodꞌoa, mawũẽ wãda, mobe bʉ juwuata izhi ʉ̃rʉ̃ bꞌʉdua, mawũãrã bꞌepe bꞌaya.

Marcos 6:5

Mamarã ũdudꞌakꞌara o ẽbasia, awuarabʉrʉ kꞌayarãtrʉ ʉ̃kʉrʉ bꞌebikuasia juwua ãzhi ʉ̃rʉ̃ bꞌʉkua.

Lucas 1:41

Maríaba: Kʉa abʉrʉta Elisaweba ũrĩbʉrʉdꞌera, izhi wũãwũã bꞌitaedꞌa pirasia, aramaʉ̃ne Elisawe birasia Jawurebiaba.

Lucas 1:67

Wũãwũã zeze Zacaríara birasia Jawurebiaba, mawũẽ mawũãsia:

Lucas 1:76

Warra zake bʉra Ʉ̃trebemaba bedꞌeata jarabibaria adꞌaya. Bʉra dazhi Nokꞌo nawedꞌa nʉmaña bia ẽãrã ãmabʉdaba araa obʉdakꞌamarẽã izhi zei ota.

Lucas 15:30

Maʉ̃ne naʉ̃ bʉ warra ibꞌaribara bʉ platara gastasia wũẽrãrã jõmaʉ̃neta bꞌema, maʉ̃ta bʉara beabibʉrʉa pakꞌa zake boregueata.

Lucas 15:32

Mawũãmina fiesta odꞌaita bara basia sobiadꞌaita. Naʉ̃ bʉ mebeara beudꞌa kĩrãkꞌa nʉmanata zokꞌai bꞌʉba, aduadꞌata ũdubʉdaba.

Lucas 2:11

Idꞌi rey David pʉwʉrʉdꞌe tosia zhãrã Ẽdrʉbita, izhira zhãrã ẽdrʉbita Nokꞌoa.

Hechos 10:36

Daizezebara Israel bꞌea bedꞌeata jarabuebʉrʉta bedꞌea biata adu-a bꞌeaidꞌebemata jarasia Jesucristodꞌeba, maʉ̃ta jõmaʉ̃ Nokꞌoa.

Hechos 13:3

Aramaʉ̃ne nekꞌo ẽã zhiwidꞌi tabꞌape ãzhi ʉ̃rʉ̃ juwua bꞌʉkua zhiwidꞌisidꞌa, mobe buegasidꞌa.

Hechos 13:52

Jesúsdꞌebema ĩjã bꞌera kꞌãbãẽã sobia bꞌeta erunʉmasia Jawurebiaba.

Hechos 19:6

Maʉ̃ne Pabloba juwua ãzhi ʉ̃rʉ̃ bꞌʉbʉrʉdꞌera ãzhidꞌe zesia Jawurebiara. Mawũẽ bedꞌea awuara bedꞌeasidꞌa, Daizezeba jarabibʉrʉsidꞌa jarasidꞌa.

Hechos 2:4

Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Hechos 21:20

Maʉ̃ta ãzha ũrĩbʉdadꞌera Daizezera ibia jarasidꞌa. Mobe Pabloa mawũãsidꞌa: Akʉbꞌʉe mebea, judíorãnebema mil bio bꞌʉa Jesúsdꞌebema ĩjãbʉdata, jõmaʉ̃ba aribꞌae bꞌea Moisé ũrãgꞌata.

Hechos 26:15

Mawũãĩ mʉãrã mawũãsia: ¿Bʉra kꞌaipe Nokꞌó? Mʉã mawũãĩ Nokꞌobara mawũãsia: Mʉrã Jesúa, maʉ̃ta bʉa pẽwã bꞌʉa.

Hechos 4:31

Zhiwidꞌi nʉmeta jõbibʉdadꞌera ãba kꞌobꞌe maẽ uresia. Aramaʉ̃ne jõma birakuasia Jawurebiaba, mawũẽ wãnigua jara duanesia Daizeze bedꞌeara.

Hechos 6:6

Maʉ̃rãta edesidꞌa Jesúsba zokꞌakuadꞌa kĩrãbita, mawũẽ maʉ̃rãbara zhiwidꞌi ãzhi ʉ̃rʉ̃ juwua bꞌʉsidꞌa.

Hechos 8:17

Mawũẽ juwua ʉ̃rʉ̃ bꞌʉkuabʉdaba jidasidꞌa Jawurebiara.

Hechos 9:18

Audre ẽãne izhi dabʉdꞌeba bꞌeda kꞌara kĩrãkꞌa ogꞌa bꞌaebʉrʉba wakusa ne ũdusia. Aramaʉ̃ne piradrʉpe buru kꞌoesia.

Romanos 15:7

Maʉ̃ba marã zhiya bia edaudua, Cristoba dazhirã bia edadꞌa kĩrãkꞌa bꞌeaudua Daizezeta ibia jaradꞌamarẽã.