Hechos 9:11 - Porciones del Nuevo Testamento

¹¹ Mawũãĩ Nokꞌobara mawũãsia: Piradrʉpe wãrũã pʉwʉrʉdꞌe o Jipata jarabadaidꞌu. Mobe Juda dedꞌa jʉrʉdua iabꞌa Saulo abadata Tarso pʉwʉrʉdꞌebemata, izhira zhiwidꞌi nʉmʉã.

Hechos 9:11 ပူးပေါင်းရင်းမြစ်များ

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Hechos 11:13

Maʉ̃bara daia nebʉrʉsia ángel izhi dedꞌa sãwũã ũdudꞌata, edau nʉmepe mawũãsibidꞌa: Ũmakĩrãrãta zokꞌakuadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa.

Hechos 11:25

Maʉ̃ tẽã Bernabé Tarso pʉwʉrʉedꞌa wãsia Saulo jʉrʉdꞌe. Ũdui edesia Antioquíaedꞌa.

Hechos 2:21

Nokꞌo Jesúa zuburia bedꞌeabʉdara ẽdrʉdꞌaya. (Joel 2:28-32)

Hechos 21:39

Mawũãĩ Pablobara mawũãsia: Wãrãnebai mʉrã judíota Tarso pʉwʉrʉdꞌebemata pʉwʉrʉ zroma maẽbema, maʉ̃ pʉwʉrʉra Cilicia druadꞌebema. Mʉ biata odua mʉta idu bedꞌeabirua zhãrã kꞌobꞌea.

Hechos 22:3

Wãrãnebai mʉrã judíota tosia Tarso pʉwʉrʉdꞌe, maʉ̃ pʉwʉrʉra Cilicia druadꞌebema. Mawũãmina mʉrã warisia nama Jerusalén pʉwʉrʉdꞌe. Mʉãrã ũrãgꞌara kꞌawasia Gamalieldꞌeba, sãwũã kꞌawai bꞌʉdꞌe kꞌawasia Moisé ũrãgꞌa dazhirã zhibarirã bꞌeadꞌadꞌeta. Aramaʉ̃ne Daizezedꞌebema aribꞌae bꞌasia idꞌi ewade jõma marã bꞌe kĩrãkꞌa.

Hechos 8:22

Maʉ̃ba bʉre bia ẽãrã ãmape zuburia bedꞌearua Daizezea, baʉcha bedꞌea ne ẽã bꞌʉya mawũã krĩchabʉrʉta sodꞌeba.

Hechos 8:26

Ángel Daizezedꞌeta Felipea bedꞌeabʉrʉta mawũãsia: Piradrʉpe wãrũã Jerusalénneba wãbada odꞌe Gaza pʉwʉrʉedꞌa, maʉ̃ ora wã bꞌʉa drua drudrua tabꞌʉdꞌe.

Hechos 9:30

Mebẽrãbara maʉ̃ta kꞌawuadꞌape edesidꞌa Cesarea pʉwʉrʉidꞌu, mobe zokꞌasidꞌa Tarso pʉwʉrʉedꞌa.