Hechos 8:37 - Porciones del Nuevo Testamento

³⁷ Mawũãĩ Felipebara mawũãsia: Soidꞌu ĩjãbʉrʉra buru kꞌoesia bꞌʉa. Mawũãĩ izhara panaʉ̃ mawũãsia: Mʉãrã ĩjãbʉrʉa Jesucristora Daizeze Warrata.

Hechos 8:37 ပူးပေါင်းရင်းမြစ်များ

Mateo 16:16

Mawũãĩ Simón Pedroba panaʉ̃ mawũãsia: Bʉra zhãrã Ẽdrʉbita Daizeze zokꞌai bꞌʉ Warra.

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Marcos 16:16

Mʉnebemata ĩjãpe buru kꞌoebʉrʉra ẽdrʉya, mawũãmina zhi ĩjã ẽãrã aduaya.

Juan 11:27

Mawũãĩ izhara mawũãsia: Ããjã Nokꞌó, mʉãrã ĩjã bꞌʉa bʉra zhãrã Ẽdrʉbita Daizeze Warrata zesia naʉ̃ ẽjũãẽna.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Juan 9:35

Jesúsbara ũrĩsia aramaʉ̃ne ãĩ kenabꞌaribʉdata, mawũẽ ũdui mawũãsia: ¿Bʉara ĩjã bꞌʉka Daizeze Warradꞌebema?

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 8:12

Mawũãmina bedꞌea biata Daizezeta Nokꞌodꞌebemata Jesucristodꞌebemata Felipeba jarabʉrʉra ĩjãnape buru kꞌoesidꞌa zhũmakĩrãrãta, wũẽrãrãta.

Hechos 8:21

Bʉra naʉ̃ kꞌaudꞌa nʉmaĩnebema ẽã, bʉ sora jipa nʉmʉ ẽbaera Daizeze kĩrãbitara.

Hechos 8:36

Odꞌe wãne jũẽsidꞌa baniãta bꞌʉ maẽ, mawũẽ nokꞌobara mawũãsia: Baniã za bꞌʉa, ¿kꞌãrẽba bꞌe ẽbaipe mʉ buru kꞌoeira?

Hechos 8:38

Mawũãpe nʉmebisia coche kꞌawayoba erbꞌari edera. Mobe ũmewedꞌa eidꞌu wãsidꞌa baniãĩnu, Felipebara aramaʉ̃ne buru kꞌoesia.

Hechos 9:20

Maʉ̃nerã de zhi jʉrebada nʉmeza jarakꞌasia Jesúra zhãrã Ẽdrʉbita Daizeze Warrata.

Romanos 10:10

Mawũã sodꞌeba ĩjãbʉrʉra bedꞌea ne ẽã bꞌʉya, mawũã dazhi iba jarabʉrʉra ẽdrʉbiya.