Hechos 8:34 - Porciones del Nuevo Testamento

³⁴ Nokꞌobara Felipea mawũãsia: Mʉ biata odua mʉãã jaradua: ¿Naʉ̃ kꞌaidꞌebemata jara bꞌʉ Daizezeba bedꞌeata jarabibarita bꞌadꞌabara, izhidꞌebemakꞌa o awʉrʉdꞌebema?

Hechos 8:34 ပူးပေါင်းရင်းမြစ်များ

Mateo 13:36

Mobebʉrʉ zhãrã wãbigape Jesús deidꞌu wãsia. Maʉ̃ne izha jʉrʉkuadꞌabara orradꞌape mawũãsidꞌa: Sãwũãta daia jaradua chirua kꞌazhiruata pegadꞌebemata.

Mateo 15:15

Mobebʉrʉ Pedroba mawũãsia: Sãwũãta daia jaradua bʉa jarabʉrʉta.

Hechos 8:27

Mawũãĩ izhira piradrʉpe wãsia. Maʉ̃ne ũdusia ũmakĩrã Etiopía druadꞌebemata. Maʉ̃ nokꞌota bꞌʉkꞌãrĩsia Candaceba, Candacera reina basia Etiopíadꞌe. Maʉ̃bara maʉ̃ bꞌʉkꞌãrĩsia ne biata izha erubꞌʉ jõmaʉ̃ ʉ̃rʉ̃. Maʉ̃ta Jerusalén pʉwʉrʉedꞌa zesia Daizeze ibia jaradꞌe.

Hechos 8:33

Zuburia osidꞌa mawũã odꞌa ẽbai bꞌʉdꞌe. Aramaʉ̃nerã izhi ewaridꞌe bꞌedꞌebema, ¿kꞌaiba ma jaraipe? Aramaʉ̃ne naʉ̃ druadꞌe beasidꞌa. (Isaías 53:7-8)

Hechos 8:35

Mawũãĩ Felipebara maʉ̃ta zhi bꞌʉmaneba bedꞌea biata jarasia Jesúsdꞌebemata.