Hechos 7:52 - Porciones del Nuevo Testamento

⁵² ¿Daizezeba bedꞌeata jarabibarita bꞌeadꞌara zuburia odꞌaita pẽwã bꞌeasi ẽka marã zhibarirãbara? Ãzhara beasidꞌa Jesucristo zeita nawedꞌa jarabʉdara, marãbara izhira chãbꞌaridꞌape beabisidꞌa.

Hechos 7:52 ပူးပေါင်းရင်းမြစ်များ

Mateo 5:12

Bꞌʉsridꞌaudua, sobiaudua, mawũãrã marãbara ʉ̃tre ne biata waibꞌʉa jidadꞌaya. Daizezeba bedꞌeata jarabibarirã bꞌeadꞌasidꞌa mawũã zuburia obazhidꞌa marã bꞌe nawedꞌa bꞌeadꞌata.

Lucas 6:23

Maʉ̃ ewadera bꞌʉsridꞌaudua, sobiaudua, aramaʉ̃nerã Daizezebara ʉ̃tre ne biata waibꞌʉa dedꞌekaya. Marã zhibarirã bꞌeadꞌabara mawũã bĩ ẽã obazhidꞌa Daizezeba bedꞌeata jarabibarirã bꞌeadꞌara.

Juan 16:10

Kꞌawuabigaya mʉrã bedꞌea ne ẽã bꞌʉta mʉrã wãĩ baera mʉ Zezema, aramaʉ̃ne marãbara mʉrã wueta ũdudꞌa ẽbaya.

Hechos 2:23

Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi.

Hechos 22:14

Mawũẽ izhara mawũãsia: Dazhirã zhibarirã bꞌeadꞌa Zhibariba bʉra jʉrʉsia izha kꞌãrẽ krĩñata bʉa kꞌawuamarẽã, aramaʉ̃ne akʉmarẽã Jesús biata, izhi nemita ũrĩmarẽã izhi idꞌeba.

Hechos 3:18

Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita.

Hechos 3:24

Daizezeba bedꞌeata jarabibarirã jõmaʉ̃ba Samuel ewaridꞌeuba jarasidꞌa idꞌi ewade kꞌãwũã berabꞌari nʉmaĩsidꞌa.

Hechos 4:10

Marã jõmaʉ̃ba Israel jõmaʉ̃ba kꞌawuaudua, Jesucristo Nazaredꞌebema trʉ̃neba marãba cruzdꞌe kꞌachi beabidꞌapeadꞌata Daizezeba beudꞌata piradrʉbidꞌa trʉ̃neba naʉ̃ mazhi kĩrãbita bꞌe bꞌidꞌa.