Hechos 7:38 - Porciones del Nuevo Testamento

³⁸ Maʉ̃ Moiséra Israel bꞌe bawara bꞌasia drua drudrua tabꞌʉ maẽ, maʉ̃nerã kꞌatuma Sinaí maẽ ángelba jarabʉrʉta jarasia dazhirã zhibarirã bꞌeadꞌaa, aramaʉ̃ne sãwũã bꞌeaidꞌebema bedꞌeata jidasia dazhirãã diaita.

Hechos 7:38 ပူးပေါင်းရင်းမြစ်များ

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 6:63

Jawurebiabʉrʉ dia bꞌʉa Daizeze ũme bꞌai jõ ẽãta, zharabara dia ẽã. Bedꞌeata mʉã marãã jara bꞌʉra Jawurebiadꞌebemata Daizeze ũme bꞌai jõ ẽãnebema.

Hechos 7:30

Cuarenta año berabꞌaribʉrʉdꞌe, ángelta zhi ũdubisia drua drudrua tabꞌʉ maẽ kꞌatuma Sinaí maẽ, maʉ̃nerã zhi ũdubisia bakuru zake eradrʉ nʉmʉne.

Hechos 7:35

Maʉ̃ne maʉ̃ Moiséra Israelitarãbara seribidꞌa ẽãba mawũã bazhidꞌa: ¿Bʉra kꞌaiba nokꞌota bꞌʉsi bedꞌeata araa oira? Mawũã jaradꞌapeadꞌatrʉ Daizezebara nokꞌota zokꞌasia ángel zareadꞌeba ãzhi ẽdrʉbigamarẽã, maʉ̃ ángel zhi ũdubisia bakuru zake nʉmʉne.

Hechos 7:53

Marãbara Moisé ũrãgꞌara ángeldꞌeba jidasidꞌamina aribꞌaedꞌa ẽã.

Romanos 3:2

Ne biodꞌeba biata bꞌʉa. Mawũã bꞌʉa wãrãnebai naara judíorãã dedꞌekadꞌaba izhi bedꞌeara Daizezebara.

Romanos 9:4

Ãzhira israelitarãta bꞌea, ãzhira Daizezeba zhi warrarã babigadꞌa, izhi kĩrãwãrẽãta ũdubigadꞌa, izha kꞌãrẽ oita jarakꞌadꞌa, izhi ũrãgꞌata Moisédꞌeba dedꞌekadꞌa, izhira sãwũã ibia jaradꞌaidꞌe bꞌʉta kꞌawuabigadꞌa, izha kꞌãrẽ diaita jarakꞌadꞌa.