Hechos 7:35 - Porciones del Nuevo Testamento

³⁵ Maʉ̃ne maʉ̃ Moiséra Israelitarãbara seribidꞌa ẽãba mawũã bazhidꞌa: ¿Bʉra kꞌaiba nokꞌota bꞌʉsi bedꞌeata araa oira? Mawũã jaradꞌapeadꞌatrʉ Daizezebara nokꞌota zokꞌasia ángel zareadꞌeba ãzhi ẽdrʉbigamarẽã, maʉ̃ ángel zhi ũdubisia bakuru zake nʉmʉne.

Hechos 7:35 ပူးပေါင်းရင်းမြစ်များ

Marcos 12:26

Mawũãmina beudꞌata piradrʉdꞌaidꞌebema, ¿marãbara Moisé librodꞌera ledꞌakꞌa kĩrãkꞌa bꞌeta Daizezebara ʉrʉta nʉmʉ maẽba Moiséa mawũãsi ẽka?: ¿Mʉrã Abraham Zhibaria, Isaac Zhibaria, Jacobo Zhibaria asi ẽka?

Lucas 19:14

Mawũãmina izhi druadꞌebemabara jurade basia, mawũẽ zhãrãta kꞌaidꞌu zokꞌasidꞌa mawũãnamarẽã: Daibara krĩñana ẽã naʉ̃ dai rey baira.

Juan 18:40

Mawũãĩ jõmaʉ̃ba nemi jĩgua mawũãsidꞌa: ¡Kꞌãʉ̃ta ẽnarãrũã! Awuarabʉrʉ ẽnadua Barrabáta. Maʉ̃ Barrabára nezrʉgamiã basia.

Juan 19:15

Mawũãĩ nemi jĩgua mawũãsidꞌa: ¡Beabirua! ¡Beabirua! ¡Cruzdꞌe kꞌachibirua! Mawũãnaĩ Pilatobara mawũãsia: ¿Marã Reyra mʉã cruzdꞌe kꞌachibiidꞌe bꞌʉka? Mawũãĩ sacerdoterã nokꞌorãbara panaʉ̃ mawũãsidꞌa: Daibara rey ãmaña eruduanu ẽã rey César awuarara.

Hechos 2:36

Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.

Hechos 3:22

Dazhirã zhibarirã bꞌeadꞌaa Moisébara mawũãsia: Nokꞌo marã Zhibaribara marãne edꞌauba piradrʉbiya izha bedꞌeata jarabibarita mʉ kĩrãkꞌa. Jõma ũrĩũdua izha marãã jarabʉrʉra.

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.

Hechos 7:30

Cuarenta año berabꞌaribʉrʉdꞌe, ángelta zhi ũdubisia drua drudrua tabꞌʉ maẽ kꞌatuma Sinaí maẽ, maʉ̃nerã zhi ũdubisia bakuru zake eradrʉ nʉmʉne.

Hechos 7:51

Mawũãnata jarape Estebanbara mawũãsia: ¡Marã kʉwʉrʉ zarea bꞌea! ¡Marãbara Daizeze bedꞌeara sodꞌebara aribꞌaedꞌa ẽã, ũrĩna ẽã! Marãbara Jawurebiaba jara bꞌʉra jipadꞌe aribꞌaedꞌa ẽã, mawũẽ mazhi zhibarirã bꞌeadꞌa kĩrãkꞌa bꞌea marãsidꞌa.