Hechos 6:9 - Porciones del Nuevo Testamento

⁹ Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.

Hechos 6:9 ပူးပေါင်းရင်းမြစ်များ

Mateo 10:17

Aramaʉ̃ne kĩrãkuita bꞌeaudua zhãrã kꞌarea, marã chãbꞌaridꞌaya nokꞌorã wagꞌaurãã, de zhi jʉrebadata nʉme maẽ marã udꞌaya.

Mateo 23:34

Maʉ̃ kꞌarea mʉãrã marãma zokꞌaya Daizezeba bedꞌeata jarabibarirãta, krĩcha banata, miã ũrãgꞌabadata, maʉ̃rãnebema ʉ̃kʉrʉ beadꞌape ʉ̃kʉrʉ cruzdꞌe kꞌachidꞌaya, ʉ̃kʉrʉra udꞌaya mazhidꞌe de zhi jʉrebadata nʉme maẽ, aramaʉ̃ne zuburia okuadꞌaya pʉwʉrʉza pẽwã.

Mateo 27:32

Jerusalénneba ãĩ wãbʉdadꞌera ũdusidꞌa Cirene pʉwʉrʉdꞌebemata Simón abadata, maʉ̃ã zareadꞌe ataubisidꞌa Jesúsba cruz a wãta.

Marcos 13:9

Mazhikusa kĩrãkuita bꞌeaudua, marã chãbꞌaridꞌaya nokꞌorã wagꞌaurãã, de zhi jʉrebada nʉme maẽ marã udꞌaya. Nokꞌorã kĩrãbita, reirã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya.

Lucas 21:12

Mawũãmina maʉ̃ jõmaʉ̃ nawedꞌa marã jidakuadꞌaya, marã zuburia odꞌai kꞌarea pẽwãnaña. Marã chãbꞌaridꞌaya de zhi jʉrebadata nʉme maẽ, cárcel nʉme maẽ. Marã ededꞌaya reyrã kĩrãbita, nokꞌorã kĩrãbita mʉ kꞌarea.

Hechos 11:20

Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.

Hechos 13:1

Mebẽrã Antioquía pʉwʉrʉdꞌe bꞌe maẽ bꞌeasia Daizezeba bedꞌeata jarabibarirãta, miã ũrãgꞌabadata: Ãzhira bꞌeasia Bernabéta, Simónta, Simón abꞌaʉta Níger basia, Lucio Cirene pʉwʉrʉdꞌebemata, Manaén rey Herode ũme waridꞌata, Saulota bꞌeasia.

Hechos 13:45

Mawũãmina judíorã nokꞌorãba kꞌabanata ũdudꞌai kꞌãbãẽã bĩ ẽãbʉdaba jarasidꞌa Pabloba jarabʉrʉra mawũã ẽãta, aramaʉ̃ne bĩ ẽã jarasidꞌa.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 15:41

Aramaʉ̃ne Siria druadꞌe, Cilicia druadꞌe berabꞌarisia soidꞌu bꞌeamarẽã ũrãgꞌa mebẽrãta.

Hechos 16:6

Frigia druadꞌe, Galacia druadꞌe berabꞌari wãnerã, Jawurebiaba idaribiga ẽbasia Daizeze bedꞌeata jaradꞌaira Asia druadꞌe.

Hechos 18:24

Maʉ̃ẽna Éfeso pʉwʉrʉedꞌa zesia judío Apolo abadata Alejandría pʉwʉrʉdꞌebemata. Izhira bi-ia bedꞌea bꞌasia, bia kꞌawua bꞌasia Daizeze bedꞌea zhi bꞌʉmata.

Hechos 19:10

Aramaʉ̃ne bꞌasia año ũme, mawũẽ Asia druadꞌe bꞌebara jõmaʉ̃ba judíorãba, griegorãba bedꞌeara ũrĩkꞌawasidꞌa Nokꞌo Jesúsdꞌera.

Hechos 19:26

Mawũãmina marãbara akʉ bꞌea ũrĩ bꞌea Pablobara kꞌasia bꞌʉta, bari Efeso pʉwʉrʉdꞌebai ẽã, awuarabʉrʉ Asia drua jõma abꞌae bodꞌoa, aramaʉ̃ne zhãrã bioa kenabꞌaribibʉrʉta jara nʉmʉã zhi zromarã ẽãta kꞌãrẽ juwuaba obꞌera.

Hechos 21:27

Mawũãmina aramaʉ̃ne ewari siete babodꞌodꞌe, judíorã ʉ̃kʉrʉ Asia druadꞌebemaba Pablo Daizeze dedꞌa ewara maẽ ũdudꞌai, kꞌabanata jõma kĩrũbidꞌape jidabʉdata,

Hechos 21:39

Mawũãĩ Pablobara mawũãsia: Wãrãnebai mʉrã judíota Tarso pʉwʉrʉdꞌebemata pʉwʉrʉ zroma maẽbema, maʉ̃ pʉwʉrʉra Cilicia druadꞌebema. Mʉ biata odua mʉta idu bedꞌeabirua zhãrã kꞌobꞌea.

Hechos 22:19

Mawũãĩ mʉãrã mawũãsia: Nokꞌó, ãzhara kꞌawua bꞌea mʉãrã de zhi jʉrebadata nʉme maẽ sãwũã cárceldꞌe bꞌʉkua bꞌadꞌata ukua bꞌadꞌata bʉdꞌebemata ĩjã bꞌera.

Hechos 22:3

Wãrãnebai mʉrã judíota tosia Tarso pʉwʉrʉdꞌe, maʉ̃ pʉwʉrʉra Cilicia druadꞌebema. Mawũãmina mʉrã warisia nama Jerusalén pʉwʉrʉdꞌe. Mʉãrã ũrãgꞌara kꞌawasia Gamalieldꞌeba, sãwũã kꞌawai bꞌʉdꞌe kꞌawasia Moisé ũrãgꞌa dazhirã zhibarirã bꞌeadꞌadꞌeta. Aramaʉ̃ne Daizezedꞌebema aribꞌae bꞌasia idꞌi ewade jõma marã bꞌe kĩrãkꞌa.

Hechos 23:34

Nokꞌobara kꞌartara lepe widꞌisia kꞌãrẽ druadꞌebemata. Aramaʉ̃ne Cilicia druadꞌebemata kꞌawuai,

Hechos 24:18

Maʉ̃ kꞌaudꞌa bꞌʉta mʉrã judíorã Asia druadꞌebemaba ũdusidꞌa Daizeze kĩrãbita nene ẽã bꞌaidꞌebemata obꞌʉdꞌe Daizeze dedꞌa ewara maẽ. Maʉ̃nerã mʉrã kꞌabana bawara kꞌobꞌa ẽbasia, miã zhãrã kĩrũbiga nʉma ẽbasia.

Hechos 26:11

Mʉãrã de zhi jʉrebadata nʉme maẽ ubima bio ukuabisia ĩjãbiga ẽã Jesúsdꞌebema zareadꞌe ikꞌazhirua jarabigaita. Aramaʉ̃ne ãzhi ʉ̃rʉ̃ kꞌãbãẽã kĩrũ bꞌʉba pẽwãkua bꞌasia pʉwʉrʉ ãĩbemata tabꞌeidꞌubidꞌa.

Hechos 6:10

Mawũãmina krĩchata poea bꞌedꞌa ẽbasia Jawurebiadꞌeba bedꞌea bꞌʉba.