Hechos 6:3 - Porciones del Nuevo Testamento

³ Maʉ̃ba mebẽrã marãnebemata ũmakĩrãrã siete jʉrʉ edaudua kĩrãẽpa bꞌeta, Jawurebiaba bira bꞌeta, krĩcha bara bꞌeta, maʉ̃rãta maʉ̃ kꞌaudꞌa bꞌeabidꞌaya.

Hechos 6:3 ပူးပေါင်းရင်းမြစ်များ

Mateo 23:8

Mawũãmina marãbara krĩña bꞌearãũdua marãta Miã Ũrãgꞌabari adꞌaita, marãne Miã Ũrãgꞌabarira abꞌabai bꞌʉ baera mʉta zhãrã Ẽdrʉbita, waya marã jõma mebẽrãta bꞌea.

Juan 21:23

Maʉ̃neba mebẽrãbara ãzhirãĩnu jara duanesia maʉ̃ Jesúsba jʉrʉdꞌara beu ẽãta. Mawũãmina Jesúsbara jara ẽbasia beu ẽãta, awuarabʉrʉ mawũãsia: Naʉ̃ mʉ zeyeedꞌa bꞌaita mʉã krĩñabʉrʉ, ¿bʉa sãwũãĩpe?

Hechos 1:15

Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 1:21

Mawũẽ ũmakĩrãrã ewariza dazhirã bawara ãba bꞌedꞌebemata Judabari jʉrʉdꞌaya, Nokꞌo Jesús dazhirã bawara bꞌasidꞌebemata bꞌea.

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 16:2

Timoteora bia jara panasia mebẽrã bꞌebara Listradꞌe, Iconione.

Hechos 2:4

Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Hechos 22:12

Mama bꞌasia ũmakĩrã Ananía abadata, maʉ̃bara aribꞌae bꞌasia Moisé ũrãgꞌata. Izhira jõmaʉ̃ba bia jara panasia judíorã mama bꞌebara.

Hechos 28:14

Mama mebẽrã ʉ̃kʉrʉ ũdusidꞌa, maʉ̃rã zuburia bedꞌeasidꞌa dai ãzhi bawara duanemarẽã ewari siete. Mobebʉrʉ wãsidꞌa Roma pʉwʉrʉedꞌa.

Hechos 6:2

Mawũẽ doce Jesúsba zokꞌakuadꞌabara zhi ĩjã bꞌe kꞌabanata trʉ̃nape mawũãsidꞌa: Biga ẽã daiba Daizeze bedꞌea jara ẽã idaribidꞌaira zhãrã zhiko diaita.

Hechos 6:5

Mawũã jarabʉdara biga basia kꞌabanata jõmaʉ̃ma, mawũẽ Estebanta jʉrʉsidꞌa soidꞌu bꞌʉta Jawurebiaba bira bꞌʉta. Jʉrʉsidꞌa Felipeta, Prócorota, Nicanorta, Timónta, Parmenata. Jʉrʉsidꞌa Nicoláta griegota judío bape bꞌʉta Antioquía pʉwʉrʉdꞌebemata.

Hechos 6:6

Maʉ̃rãta edesidꞌa Jesúsba zokꞌakuadꞌa kĩrãbita, mawũẽ maʉ̃rãbara zhiwidꞌi ãzhi ʉ̃rʉ̃ juwua bꞌʉsidꞌa.

Hechos 9:30

Mebẽrãbara maʉ̃ta kꞌawuadꞌape edesidꞌa Cesarea pʉwʉrʉidꞌu, mobe zokꞌasidꞌa Tarso pʉwʉrʉedꞌa.