Hechos 6:1 - Porciones del Nuevo Testamento

¹ Maʉ̃ ewadera Jesúsdꞌebema ĩjã bꞌera eaba wãsia, maʉ̃ne griego bedꞌeadꞌe bedꞌea bꞌeba jara jirpanesia hebreo bedꞌeadꞌe bedꞌea bꞌeta, jarasidꞌa pẽdrarã griegorãnebema bia aribꞌaedꞌa ẽãta kꞌarebata ewariza nʉmʉnerã.

Hechos 6:1 ပူးပေါင်းရင်းမြစ်များ

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Hechos 11:20

Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.

Hechos 11:26

Mama año abꞌa zhi jʉre bꞌeasia mebẽrã bawara, aramaʉ̃ne zhãrã bio ũrãgꞌasidꞌa. Maʉ̃nerã Jesúsdꞌebema ĩjã bꞌera zhi trʉ̃gagꞌaita cristorãta trʉ̃gasidꞌa Antioquíadꞌera.

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Hechos 2:45

Ẽjũã ãzhidꞌera, ne ãzhidꞌera nendodꞌape platara abꞌa abꞌaʉa dra bꞌeasia zhi nesidꞌa kꞌawua.

Hechos 2:47

Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Hechos 4:35

Aramaʉ̃ne chãbꞌari panasia Jesúsba zokꞌakuadꞌaa. Maʉ̃rãbara abꞌa abꞌaʉa dia bꞌeasia zhi nesidꞌa kꞌawua.

Hechos 4:4

Mawũãmina bedꞌeata ũrĩnapeadꞌabara bioba Jesúsdꞌebema ĩjãsidꞌa. Aramaʉ̃ne zhũmakĩrãrãta panasita bꞌʉa cinco mil.

Hechos 5:14

Nokꞌo Jesúsdꞌebema ĩjã tupudꞌera wuaabʉrʉ eaba wãsia zhũmakĩrãrãta, wũẽrãrãta.

Hechos 5:28

mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.

Hechos 6:2

Mawũẽ doce Jesúsba zokꞌakuadꞌabara zhi ĩjã bꞌe kꞌabanata trʉ̃nape mawũãsidꞌa: Biga ẽã daiba Daizeze bedꞌea jara ẽã idaribidꞌaira zhãrã zhiko diaita.

Hechos 6:7

Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Hechos 9:29

Maʉ̃nerã Jesús jara wãnigua bedꞌea bꞌesia griegorãã, mawũãmina maʉ̃rãbara bea krĩña jirpanesia.

Hechos 9:39

Mawũẽ Pedrora piradrʉpe wãsia ãzhi bawara. Jũẽbʉrʉdꞌera beuwãrã tabꞌʉidꞌu edesidꞌa kʉdꞌa ʉ̃rʉ̃bemaĩnu, mama wũẽrãrã pẽdrarãba jõmaʉ̃ba jẽgabi bʉredrʉbʉdata wuata ũdubisidꞌa Dorcaba okua bꞌadꞌata ãzhi bawara bꞌasidꞌe.

Hechos 9:41

Pedrobara juwuadꞌe jidape piradrʉbisia. Mobebʉrʉ trʉ̃sia Jesúsdꞌebema ĩjã bꞌeta, dewara trʉ̃sia pẽdrarãta, aramaʉ̃ne ũdubigasia zokꞌai.

Romanos 12:7

Zhãrã kꞌarebabi bꞌʉbara zhãrã kꞌarebarua. Miã ũrãgꞌabi bꞌʉra miã ũrãgꞌarua.