Hechos 5:32 - Porciones del Nuevo Testamento

³² Daibara maʉ̃ta izhidꞌebemata kꞌawua bꞌea, abꞌarika kꞌawua bꞌʉa Jawurebiaba, maʉ̃ Daizezeba diasia izhi bedꞌeata aribꞌae bꞌea.

Hechos 5:32 ပူးပေါင်းရင်းမြစ်များ

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Hechos 10:44

Pedro mawũã bedꞌea kꞌobꞌʉdꞌe Jawurebiara zesia izhi bedꞌeata ũrĩ kꞌobꞌe jõmaʉ̃ne.

Hechos 13:31

Izhira ewari bio zhi ũdubigasia izhi bawara wãrĩzekuadꞌaa Galileadꞌeba Jerusalénʉẽna, idꞌira maʉ̃rãba izhidꞌebemata jara bꞌea zhãrã bꞌea.

Hechos 15:28

Jawurebiama, daima bia zesia ne ãmaña jaradꞌa ẽbaita naʉ̃ta aribꞌaeita baradꞌebara:

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Hechos 2:4

Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Hechos 5:29

Mawũãnaĩ Pedroba panaʉ̃bʉrʉta Jesúsba zokꞌakuadꞌa bawarauba mawũãsidꞌa: Daizeze bedꞌeata aribꞌaei bara zhãrã bedꞌeata aribꞌaei kꞌãñabara.

Romanos 8:16

Abꞌaʉ Jawurebiaba dazhi jawurea kꞌawuabi bꞌʉa dazhira Daizeze warrarãta.