Hechos 5:16 - Porciones del Nuevo Testamento

¹⁶ Pʉwʉrʉ arakꞌaita tabꞌe maẽ bꞌesidꞌa Jerusalén pʉwʉrʉedꞌa ze jirpanʉta, we jirpanesia kꞌayarãta, jaiba wawa bꞌeta. Maʉ̃ jõma bꞌe nʉmasia.

Hechos 5:16 ပူးပေါင်းရင်းမြစ်များ

Mateo 2:16

Chĩdaudꞌeba ne arimaẽ jarabadaba izhi sewabʉdata kꞌawuape Herodera kꞌãbãẽã kĩrũsia, mawũẽ warra zakerã año ũmeneba edꞌaa bꞌeta Belénne kedꞌeta, Belén kꞌaita kedꞌeta jõma beakuadꞌamarẽã jarasia. Izhima maʉ̃ añota arimaẽ basia Jesús todꞌa ewarita kꞌawuadꞌadꞌebara chĩdaudꞌeba ne arimaẽ jarabadadꞌeba.

Mateo 4:24

Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.

Mateo 8:16

Keubʉrʉdꞌera Jesúsma bio wesidꞌa jai abꞌeta. Mawũẽ bedꞌeama abꞌaʉba jaira ãĩ jʉrekuasia, jõma bꞌebikuasia kꞌayarãsidꞌa.

Lucas 5:17

Ewari abꞌa Jesús miã ũrãgꞌa nʉmʉne jewedꞌa duanasia fariseorãta ũrãgꞌa Moisédꞌe jarabada bawara. Ãzhira pʉwʉrʉ zaketa tabꞌe maẽba zekuasia Galilea druadꞌeba, Judea druadꞌeba, Jerusalénneba. Maʉ̃nerã Daizeze zareara Jesú ũme nʉmasia zhãrã bꞌebiita.

Lucas 6:18

Jaiba wawa bꞌera bꞌekuasia.

Lucas 9:11

Zhãrãbara kꞌawuadꞌape kꞌaidꞌu wãsidꞌa. Mawũẽ izhara bia edabʉrʉta jarakꞌasia Daizezeta Nokꞌodꞌebemata, bꞌebikuasia zhi bꞌei bara bꞌera.

Juan 14:12

Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Hechos 4:30

Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.

Hechos 5:15

Zhãrãbara kꞌayarã odꞌe bꞌʉkua jirpanesia barkuadꞌe, jueporodꞌe, aramaʉ̃ne Pedro berabꞌaribʉrʉdꞌe arigu zhi jawureba warabʉrʉba bꞌemarẽã ãzhi iabꞌaʉdꞌebemata.

Hechos 5:17

Maʉ̃ kꞌarea sacerdote wagꞌauta jõma saduceorã izhi ũme kꞌobꞌe bawara kꞌãbãẽã bĩ ẽãsidꞌa.