Hechos 4:33 - Porciones del Nuevo Testamento

³³ Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma.

Hechos 4:33 ပူးပေါင်းရင်းမြစ်များ

Marcos 16:20

Izha jʉrʉkuadꞌara wãnape izhidꞌebemata jarasidꞌa baridu maẽ. Nokꞌo Jesúsbara ãzhira kꞌareba nʉmʉneba bedꞌeara wãrãta jara panʉta kꞌawuabiga nʉmasia ũdudꞌakꞌata obiga nʉmʉneba. Amén.

Lucas 2:52

Jesús wari wãta krĩcha bara wari wãsia. Bia erunʉmasia Daizezeba dewara zhãrãba.

Juan 1:16

Izhi bꞌʉdꞌebema biaba dazhirã jõma bia erunʉmʉã, aramaʉ̃ne bia erunʉma tau ẽã.

Hechos 1:22

Juanba buru kꞌoesidꞌebemata bꞌeta dazhirã maẽba Jesús ʉ̃taa wãsiidꞌubemata bꞌea. Mawũẽ iabꞌa jʉrʉdꞌaya dazhirã bawarauba jaramarẽã Jesús beudꞌata piradrʉdꞌata.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Hechos 2:47

Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Hechos 4:30

Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.