Hechos 3:15 - Porciones del Nuevo Testamento

¹⁵ Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa.

Hechos 3:15 ပူးပေါင်းရင်းမြစ်များ

Lucas 24:48

Marãba jaradꞌaya mʉ kꞌãwũã berabꞌaridꞌata.

Juan 1:4

Izhira dazhi bꞌʉ kꞌarra, mawũã dazhi bꞌʉ kꞌarrata Daizezedꞌebema kꞌawuabiga bꞌʉba zhãrãĩta ʉ̃nata bꞌʉa.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 5:26

Mʉ Zezebara erubꞌʉa izhi ũme bꞌai jõ ẽãta, mawũẽ mʉ zhi Warraabidꞌa diasia erubꞌamarẽã izhi ũme bꞌai jõ ẽãta.

Hechos 1:22

Juanba buru kꞌoesidꞌebemata bꞌeta dazhirã maẽba Jesús ʉ̃taa wãsiidꞌubemata bꞌea. Mawũẽ iabꞌa jʉrʉdꞌaya dazhirã bawarauba jaramarẽã Jesús beudꞌata piradrʉdꞌata.

Hechos 2:24

Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Hechos 4:2

Kĩrũsidꞌa zhãrãã jarabʉdaba beudꞌapeadꞌara piradrʉdꞌaita Jesús kĩrãkꞌa.

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.