Hechos 3:13 - Porciones del Nuevo Testamento

¹³ Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Hechos 3:13 ပူးပေါင်းရင်းမြစ်များ

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Mateo 20:19

Aramaʉ̃ne mʉrã chãbꞌaridꞌaya judíorã ẽãta bꞌea, mʉrã ãzhima sewakꞌau bꞌʉdꞌeba udꞌaya, cruzdꞌe kꞌachidꞌaya, mawũãmina ewari ũbeadꞌe beudꞌata piradrʉya.

Mateo 22:32

¿Mʉrã Abraham Zhibaria, Isaac Zhibaria, Jacobo Zhibaria asi ẽka? Aramaʉ̃nerã Daizezera beukuadꞌa Zhibari ẽã, awuarabʉrʉ zokꞌai bꞌe Zhibaria.

Mateo 27:2

Mawũẽ juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.

Mateo 28:18

Maʉ̃nerã Jesúsbara ãzhi orrape mawũãsia: Daizezebara zareata mʉãã diasia jõma mʉã erunʉmamarẽã ʉ̃tre nʉmʉta druadꞌe nʉmʉta.

Marcos 15:11

Sacerdoterã nokꞌorãbara kꞌabanata kꞌobꞌea jarasidꞌa ẽdrʉbiita jaradꞌamarẽã Barrabáta.

Lucas 22:57

Mawũãmina izhara merãbʉrʉta mawũãsia: Wũẽrã, mʉã maʉ̃ ũdukꞌa.

Lucas 23:4

Mawũãĩ Pilatobara sacerdoterã nokꞌorãta kꞌobꞌea, zhãrã kꞌobꞌea mawũãsia: Mʉma ũmakĩrã naʉ̃ bedꞌea ne ẽã.

Lucas 6:37

Zhãrãta kꞌawua orãũdua, mobedꞌeba Daizezeba marã maʉ̃ kꞌarea kꞌawua o ẽã. Zhãrãta bedꞌea bara bꞌʉa arãũdua, mobedꞌeba Daizezeba marã bedꞌea bara bꞌea a ẽã. Marã bĩ ẽã obʉdara bedꞌea ne ẽãne edaudua, mawũãrã Daizezeba marã bedꞌea ne ẽã bꞌʉkuaya.

Juan 12:16

Izha jʉrʉkuadꞌabara maʉ̃ naarara sãwũãrã kꞌawuadꞌa ẽbasia, mawũãmina Jesús ʉ̃taa wãna tẽãne bude basidꞌa maʉ̃ izhi ʉ̃rʉ̃bemata bꞌʉ tabꞌedꞌe odꞌapeadꞌata.

Juan 18:40

Mawũãĩ jõmaʉ̃ba nemi jĩgua mawũãsidꞌa: ¡Kꞌãʉ̃ta ẽnarãrũã! Awuarabʉrʉ ẽnadua Barrabáta. Maʉ̃ Barrabára nezrʉgamiã basia.

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Juan 19:12

Mawũãĩ Pilatobara Jesús ẽna krĩñasia. Mawũãmina judíorãbara nemi jĩgua mawũãsidꞌa: Bʉa naʉ̃ta ẽnarã, César bawara bʉra zhibia ẽã. Iabꞌa izhitrʉ reydꞌe bꞌʉra César rey wagꞌau bawara zhi jura.

Juan 19:15

Mawũãĩ nemi jĩgua mawũãsidꞌa: ¡Beabirua! ¡Beabirua! ¡Cruzdꞌe kꞌachibirua! Mawũãnaĩ Pilatobara mawũãsia: ¿Marã Reyra mʉã cruzdꞌe kꞌachibiidꞌe bꞌʉka? Mawũãĩ sacerdoterã nokꞌorãbara panaʉ̃ mawũãsidꞌa: Daibara rey ãmaña eruduanu ẽã rey César awuarara.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Hechos 22:14

Mawũẽ izhara mawũãsia: Dazhirã zhibarirã bꞌeadꞌa Zhibariba bʉra jʉrʉsia izha kꞌãrẽ krĩñata bʉa kꞌawuamarẽã, aramaʉ̃ne akʉmarẽã Jesús biata, izhi nemita ũrĩmarẽã izhi idꞌeba.

Hechos 24:14

Mawũãmina mʉã naʉ̃ta bʉaa jaraya: Mʉãrã pẽwã bꞌʉa Jesúsdꞌebema ota ãzha jãpe bꞌʉa abꞌeta, mʉãrã aramaʉ̃ne bedꞌeata aribꞌae bꞌʉa mʉ zhibarirã bꞌeadꞌa Zhibaridꞌeta. Mʉãrã jõma ĩjã bꞌʉa Moisé ũrãgꞌadꞌe bꞌʉ tabꞌeta, Daizezeba bedꞌeata jarabibarirãne bꞌʉ tabꞌeta.

Hechos 3:12

Pedroba maʉ̃ta ũdui zhãrã kꞌobꞌea mawũãsia: Israelitarã, ¿naʉ̃ẽnabema kꞌãrẽã bia akʉdrua kꞌobꞌe? ¿Daira kꞌãrẽã akʉ kꞌobꞌe, dai zareaba o daita biata panʉba wãbibʉda kĩrãkꞌa naʉ̃ta?

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.

Hechos 4:30

Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.

Hechos 7:32

Mʉrã bʉ zhibarirã bꞌeadꞌa Zhibaria, Abraham Zhibaria, Isaac Zhibaria, Jacobo Zhibaria. Mawũãĩ Moiséra ure kꞌobꞌʉba akʉ ẽbasia.

Romanos 9:5

Ãzhira Abrahamneba, Isaacdꞌeba, Jacobodꞌeba uruta bꞌea, ãzhidꞌeba naʉ̃ zharadꞌe zesia Cristora, izhira Daizezeta ne jõmaʉ̃ ʉ̃rʉ̃ bꞌʉa, mawũẽ ewari nʉmʉ jõma ibia jaradꞌaya. Amén.