Hechos 3:12 - Porciones del Nuevo Testamento

¹² Pedroba maʉ̃ta ũdui zhãrã kꞌobꞌea mawũãsia: Israelitarã, ¿naʉ̃ẽnabema kꞌãrẽã bia akʉdrua kꞌobꞌe? ¿Daira kꞌãrẽã akʉ kꞌobꞌe, dai zareaba o daita biata panʉba wãbibʉda kĩrãkꞌa naʉ̃ta?

Hechos 3:12 ပူးပေါင်းရင်းမြစ်များ

Juan 7:18

Izhikusauba bedꞌea bꞌʉbara izhitrʉ bia jaradꞌamarẽã bꞌʉa, mawũãmina mʉãrã Daizeze mʉ zokꞌadꞌata bia jaradꞌamarẽã bꞌʉa, mawũẽ wãrĩnuta jara bꞌʉa, aramaʉ̃ne mʉãrã sewata jara ẽã.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Hechos 3:11

Wã bꞌe ẽã bꞌʉta bꞌedꞌabara Pedro Juan ãĩtʉ ẽbasia. Zhãrã jõmaʉ̃ba bia akʉdrua ãzhi kꞌaidꞌu piraposia Daizeze dedꞌa ewara maẽ Salomón abadaidꞌu.

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Romanos 11:1

Maʉ̃neba mʉã widꞌiya: ¿Daizezebara izhidꞌerã kenabꞌarisika? Mawũã ẽã. Mʉsidꞌa israelitarãta Abrahamneba uruta Benjamín warrarãnebema.

Romanos 9:4

Ãzhira israelitarãta bꞌea, ãzhira Daizezeba zhi warrarã babigadꞌa, izhi kĩrãwãrẽãta ũdubigadꞌa, izha kꞌãrẽ oita jarakꞌadꞌa, izhi ũrãgꞌata Moisédꞌeba dedꞌekadꞌa, izhira sãwũã ibia jaradꞌaidꞌe bꞌʉta kꞌawuabigadꞌa, izha kꞌãrẽ diaita jarakꞌadꞌa.