Hechos 28:31 - Porciones del Nuevo Testamento

³¹ Daizezeta Nokꞌodꞌebemata jara bꞌʉta Nokꞌo Jesucristodꞌebemata dajada jara bꞌasia, maʉ̃nerã miõba sãwũã ẽbasia.

Hechos 28:31 ပူးပေါင်းရင်းမြစ်များ

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Marcos 1:14

Juan cárceldꞌe bꞌʉdꞌapeadꞌa tẽãne Jesús Galilea druaedꞌa wãsia bedꞌea biata jaradꞌe Daizezeta Nokꞌodꞌebemata.

Lucas 8:1

Maʉ̃ tẽã Jesús wãsia pʉwʉrʉ zromaza, pʉwʉrʉ zakeza, bedꞌea biata jarakꞌa wãsia Daizezeta Nokꞌodꞌebemata. Kꞌaidꞌu bꞌeasia izha jʉrʉkuadꞌata docera.

Hechos 1:3

Beudꞌa tẽã maʉ̃rããbʉrʉ zokꞌai zhi ũdubima bio basia kꞌawuadꞌamarẽã wãrĩnu zokꞌai bꞌʉta. Zhi ũdubigasia ewari cuarenta, maʉ̃nerã jarakꞌa bꞌasia Daizezeta Nokꞌodꞌebemata.

Hechos 20:25

Mʉãrã kꞌawua bꞌʉa kꞌãwũãnaba mʉã Daizezeta Nokꞌodꞌebemata jara berabꞌari bꞌʉ maẽ marã jõmaʉ̃ba miõba wueta ũdudꞌa ẽbaya mʉ kĩrã.

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 28:30

Pablo año ũme de arrenda bꞌasia. Maʉ̃nerã jõma bia eda bꞌasia izhima zebʉdara.

Hechos 4:29

Mawũẽ Nokꞌó, dai mawũã waragꞌabʉdata akʉdua, mobe dai bʉ nezokꞌarãã wãniguata dedꞌekarua wãnigua jaradꞌaita bʉ bedꞌeata.

Hechos 4:31

Zhiwidꞌi nʉmeta jõbibʉdadꞌera ãba kꞌobꞌe maẽ uresia. Aramaʉ̃ne jõma birakuasia Jawurebiaba, mawũẽ wãnigua jara duanesia Daizeze bedꞌeara.

Hechos 5:42

Ewariza Daizeze dedꞌa ewara maẽ jara bꞌeasia deza jara bꞌeasia Jesucristodꞌebemata.

Hechos 8:12

Mawũãmina bedꞌea biata Daizezeta Nokꞌodꞌebemata Jesucristodꞌebemata Felipeba jarabʉrʉra ĩjãnape buru kꞌoesidꞌa zhũmakĩrãrãta, wũẽrãrãta.