Hechos 28:3 - Porciones del Nuevo Testamento

³ Pablobara tebʉ jarra põta jʉrepe edape pepekuasia tebʉdꞌe. Maʉ̃ne dãmata tebʉ jʉ̃wʉ̃rʉ̃ãba wãẽbabʉrʉba kꞌa jirabꞌesia juwuadꞌe.

Hechos 28:3 ပူးပေါင်းရင်းမြစ်များ

Mateo 12:34

Marã dãma neãrã bara bꞌe kĩrãkꞌa bꞌea. ¿Sãwũã biata bedꞌeadꞌaipe bia ẽãta bꞌera? Sodꞌe nʉmʉkꞌãrĩta jara bꞌʉa ibara.

Mateo 23:33

¡Marã dãma bia ẽãta bꞌe kĩrãkꞌa bꞌea! ¿Sãwũã ẽdrʉdꞌaipe Daizezeba tebʉdꞌe buekuaidꞌebara?

Mateo 3:7

Fariseorãta saduceorãta izha bio ũdubʉrʉta izha buru kꞌoemarẽã zebʉdadꞌera ʉ̃kʉrʉa mawũãsia: Marã bia ẽãta bꞌeba dãmata neãrã bara bꞌe kĩrãkꞌa bꞌea. ¿Mawũã bꞌeta kꞌaiba ẽdrʉdꞌaya asi Daizezeba kĩrũbiba pua kꞌawua okuaita ʉ̃rʉ̃ badꞌebara?

Marcos 16:18

Kꞌawua ẽãne dãmata tãbʉdasidꞌa, neãrãta dobibʉdasidꞌa maʉ̃bara nene ẽbaya. Kꞌayarã ʉ̃rʉ̃ juwuata bꞌʉbʉdadꞌera bꞌekuaya.

Hechos 28:2

Mama bꞌebara daira kꞌãbãẽã bia edabʉdata tebʉ puadꞌape daira jõma bʉredrʉbisidꞌa kue ze nʉmʉba kũrãsãba.

Hechos 28:4

Zhãrã mama bꞌebara mawũã dãmata juwuadꞌe jirabꞌidꞌata ũdudꞌai mawũãsidꞌa: Naʉ̃ wãrãne miã beamiãta pusadꞌebara ẽdrʉbʉrʉa. Mawũãmina ne zhi zromane erubꞌera zhãrã kꞌawua obariba idu bꞌabi ẽã.