Hechos 27:5 - Porciones del Nuevo Testamento

⁵ Pusadꞌe berabꞌarisidꞌa Cilicia drua kĩrãpe, Panfilia drua kĩrãpe, aramaʉ̃ne zesidꞌa Mira pʉwʉrʉidꞌu, maʉ̃ pʉwʉrʉra Licia druadꞌebema.

Hechos 27:5 ပူးပေါင်းရင်းမြစ်များ

Hechos 13:13

Pafo pʉwʉrʉdꞌeba barcodꞌe bꞌarikuape Pablora izhi kꞌaidꞌu bꞌe bawara jũẽkuasia Perge pʉwʉrʉedꞌa, maʉ̃ pʉwʉrʉra Panfilia druadꞌebema. Mawũãmina Juanbara ãzhira ãmaẽkuabʉrʉta jẽrũya zesia Jerusalénʉẽna.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 15:38

Mawũãmina ãzhi bawara edeira Pabloma biga ẽbasia Panfilia druadꞌe ãzhita ãĩ tʉdꞌaba, aramaʉ̃ne ãzhi bawara wã ẽbadꞌaba miã ũrãgꞌadꞌe.

Hechos 15:41

Aramaʉ̃ne Siria druadꞌe, Cilicia druadꞌe berabꞌarisia soidꞌu bꞌeamarẽã ũrãgꞌa mebẽrãta.

Hechos 2:10

Frigia druadꞌebema, Panfilia druadꞌebema, Egipto druadꞌebema, África drua Cirene audre wawaraidꞌubema, dewara Romanebemata nama bꞌea, judíorãta bꞌea, judío ẽãta judío bape bꞌea.

Hechos 21:39

Mawũãĩ Pablobara mawũãsia: Wãrãnebai mʉrã judíota Tarso pʉwʉrʉdꞌebemata pʉwʉrʉ zroma maẽbema, maʉ̃ pʉwʉrʉra Cilicia druadꞌebema. Mʉ biata odua mʉta idu bedꞌeabirua zhãrã kꞌobꞌea.

Hechos 22:3

Wãrãnebai mʉrã judíota tosia Tarso pʉwʉrʉdꞌe, maʉ̃ pʉwʉrʉra Cilicia druadꞌebema. Mawũãmina mʉrã warisia nama Jerusalén pʉwʉrʉdꞌe. Mʉãrã ũrãgꞌara kꞌawasia Gamalieldꞌeba, sãwũã kꞌawai bꞌʉdꞌe kꞌawasia Moisé ũrãgꞌa dazhirã zhibarirã bꞌeadꞌadꞌeta. Aramaʉ̃ne Daizezedꞌebema aribꞌae bꞌasia idꞌi ewade jõma marã bꞌe kĩrãkꞌa.

Hechos 6:9

Maʉ̃ne ʉ̃kʉrʉ bꞌeasia de zhi jʉrebada maẽbemata, maʉ̃ dera Nezokꞌarãta Ẽzoadꞌadꞌea abazhidꞌa, dewara bꞌeasia Cirene druadꞌebemata, Alejandría pʉwʉrʉdꞌebemata, Cilicia druadꞌebemata, Asia druadꞌebemata, maʉ̃rãta kꞌaikꞌaiasidꞌa Esteban bawara.