Hechos 26:18 - Porciones del Nuevo Testamento

¹⁸ Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.

Hechos 26:18 ပူးပေါင်းရင်းမြစ်များ

Mateo 4:10

Mawũãĩ Jesúsbara mawũãsia: Ãtõmiã wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Mateo 4:16

marã pãrĩguadꞌe bꞌeta Daizezedꞌebema kꞌawuabʉdaba ũdudꞌaya ʉ̃na zromata. Mawũẽ aduaita beuita bꞌeadꞌaitara ʉ̃nata uruzhaya. (Isaías 9:1-2)

Lucas 1:77

Aramaʉ̃ne bʉara ẽdrʉdꞌaidꞌebemata kꞌawuabigaya izhidꞌeta bꞌea, izhara aramaʉ̃ne bedꞌea ne ẽã bꞌʉkuaya kꞌazhiruata biodꞌeba.

Lucas 1:79

Aramaʉ̃ne pãrĩguadꞌe bꞌeta ʉ̃nabibʉrʉra ẽdrʉdꞌaita kꞌawuabigaya aduaita beuya bꞌea, dazhira aramaʉ̃ne erunʉmaña Daizeze ũme adu-a bꞌai odꞌe.

Lucas 2:32

Izhira ʉ̃nata bꞌʉba ẽdrʉdꞌaita kꞌawuabigaya judíorã ẽãta bꞌea, aramaʉ̃ne izhikꞌareuba bia trʉ̃poa nʉmaña Israel bʉreta bꞌera. (Isaías 42:6; 49:6)

Lucas 24:45

Mobebʉrʉ krĩcha ewekuasia sãwũãta kꞌawuadꞌamarẽã Daizeze bedꞌeata zhi bꞌʉmata.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Lucas 4:18

Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Juan 17:17

Wãrãneba bʉita bꞌeabirua, bʉ bedꞌeata wãrã.

Juan 3:19

Kꞌãrẽneba aduaita mʉã jaraya: Ʉ̃nata bꞌʉra zesia ẽjũãne bꞌema, mawũãmina zhãrãbara pãrĩguata audre kʉãgꞌasidꞌa ʉ̃na kꞌãñabara, bia ẽãta obꞌeba.

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 8:12

Wakusa Jesúsbara zhãrã kꞌobꞌea mawũãsia: Mʉrã ʉ̃nata bꞌʉa ẽjũãne bꞌerãĩta, mʉta pẽwã bꞌʉra pãrĩguadꞌe nimiba ẽã, awuarabʉrʉ ʉ̃nata erubꞌaya Daizeze ũme bꞌai jõ ẽãta.

Juan 9:39

Jesúsbara mawũãsia: Zhãrã kꞌawua oi kꞌarea mʉrã zesia naʉ̃ ẽjũãẽna. Aramaʉ̃ne Daizezedꞌebema ũdu ẽã bꞌebara ũdudꞌamarẽã, waya ũdu bꞌedꞌe bꞌebara ũdu ẽã bꞌeamarẽã.

Juan 9:5

Mʉta naʉ̃ ẽjũãne bꞌʉwedꞌara mʉta ʉ̃nata bꞌʉa ẽjũãne bꞌerãĩta.

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Hechos 13:47

Dai maʉ̃ kꞌaudꞌa panaĩrã Daizezebara mawũãsia: Mʉã bʉra ʉ̃nata bꞌidꞌapʉa mʉnebemata kꞌawuadꞌamarẽã judío ẽãta bꞌeba, bʉra aramaʉ̃ne ẽdrʉdꞌaidꞌebemata nʉmaña drua jõmaʉ̃ maẽ. (Isaías 42:6; 49:6)

Hechos 15:9

Aramaʉ̃nerã awuara eda ẽbasia dazhirãta miã jarirãta, ĩjãbʉdaba kꞌazhirua ne ẽã osia ãzhi sora.

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 20:32

Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 26:19

Mawũẽ rey Agripa, mʉãrã aribꞌae ẽã nʉma ẽbasia mʉãã jarabʉrʉra Ʉ̃trebemaba.

Hechos 26:23

Jarasidꞌa zhãrã Ẽdrʉbira beui barata, beudꞌara naara izhita piradrʉita, aramaʉ̃ne Daizeze bedꞌeata ʉ̃nata jaraita judíorãta bꞌea, judíorã ẽãta bꞌea.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.

Romanos 8:17

Mawũã zhi warrarã baera Daizezeba ne erubꞌʉta jidadꞌaya Cristo bawarauba, izhi zuburiadꞌa kĩrãkꞌa zuburiadꞌara Daizezebara Cristo bawara bia bꞌʉya.