Hechos 26:16 - Porciones del Nuevo Testamento

¹⁶ Piradrʉrua, ʉ̃ta nʉmedua, mʉrã bʉaa zhi ũdubibʉrʉa mʉnebemata jarabarita bꞌʉita, aramaʉ̃ne bʉa ũdudꞌata jaramarẽã, mʉ bʉaa zhi ũdubi nʉmaĩnebemata jaramarẽã.

Hechos 26:16 ပူးပေါင်းရင်းမြစ်များ

Lucas 1:2

Maʉ̃ta dazhaa nebʉrʉdꞌapeadꞌabara jẽdeba ãzhi dabʉba ũdusidꞌa, aramaʉ̃ne duanesia maʉ̃ bedꞌeata jarabadata.

Hechos 1:17

Izhira dazhirãnebema basia, mawũẽ obꞌasia dazhirãba obꞌeta.

Hechos 1:25

Mawũãrã bʉdꞌebemata jaramarẽã bʉa zokꞌadꞌata bꞌaya. Maʉ̃ta bꞌadꞌara Judara kꞌazhiruadꞌe bꞌaesia, aramaʉ̃ne tebʉedꞌa wãsia izhi bꞌaima.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 21:19

Maʉ̃rã saludꞌape abꞌa abꞌaʉdꞌe nebʉrʉsia judíorã ẽãta bꞌedꞌe edꞌa Daizezeba kꞌãrẽ odꞌata izhi miã ũrãgꞌa wãne.

Hechos 22:10

Mʉãrã mawũãsia: ¿Mʉãrã kꞌãrẽta oipe Nokꞌó? Mʉã mawũãĩ Nokꞌobara mawũãsia: Piradrʉpe Damascoedꞌa wãrũã, mama jõma jaradꞌaya bʉa kꞌãrẽ oita.

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Hechos 26:15

Mawũãĩ mʉãrã mawũãsia: ¿Bʉra kꞌaipe Nokꞌó? Mʉã mawũãĩ Nokꞌobara mawũãsia: Mʉrã Jesúa, maʉ̃ta bʉa pẽwã bꞌʉa.

Hechos 6:4

Waya daira zhiwidꞌi bꞌeaya, Daizeze bedꞌeata jara bꞌeaya.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Romanos 15:16

Jesucristo nezokꞌata bꞌamarẽã judíorã ẽãta bꞌerãĩta. Mawũẽ mʉãrã bedꞌea biata Daizezedꞌeta jarakꞌa bꞌʉa, sacerdoteba nendʉwʉrʉ Daizezeba krĩñata webari kĩrãkꞌa judíorã ẽãrã aramaʉ̃ne izhima we bꞌʉa izhiita bꞌeamarẽã Jawurebiadꞌeba.