Hechos 26:10 - Porciones del Nuevo Testamento

¹⁰ Mʉãrã maʉ̃ta osia Jerusalénne. Mʉãrã Jesúsdꞌebema ĩjã bꞌera bio cárceldꞌe bꞌʉkuasia mawũã oi zareata diabʉdaba nokꞌorã sacerdoterãba, beakuabʉdara mʉma biga basia.

Hechos 26:10 ပူးပေါင်းရင်းမြစ်များ

Hechos 7:58

Pʉwʉrʉdꞌebara ãĩ ededꞌape mongꞌaraba tabꞌari jidasidꞌa, sewa nebʉrʉ ji kꞌobꞌebara ãzha wua ãnebꞌari bꞌera wẽãnape kũrã jẽrũ kꞌaita bꞌʉsidꞌa akʉmarẽã, maʉ̃ Saulo basia.

Hechos 8:1

Sauloma biga basia Esteban beabʉdara. Abꞌaʉ ewade mebẽrã bĩ ẽã osidꞌa Jerusalénne bꞌeta. Mawũẽ Jesúsba zokꞌakuadꞌa wãna ẽãnerã ãzhira jõma jãrãzoa wãsidꞌa Judea druadꞌe, Samaria druadꞌe.

Hechos 8:3

Maʉ̃nerã Saulobara mebẽrã bĩ ẽã okua nʉmasia. Deza deidꞌu wãpe jidakua nʉmasia zhũmakĩrãrãta, wũẽrãrãta, aramaʉ̃ne edebiga nʉmasia cárceldꞌe edꞌa.

Hechos 9:21

Izhi bedꞌeata ũrĩbʉdabara jõmaʉ̃ba kꞌawua ẽã krĩcha mawũãsidꞌa: ¿Naʉ̃ ẽka Jesúsdꞌebema ĩjã bꞌeta Jerusalénne zuburia okua nʉmanarã, maʉ̃ kꞌarea naĩnu zesi ẽka jidakuape edeita nokꞌorã sacerdoterã kĩrãbita?

Hechos 9:26

Saulo Jerusalénʉẽna zebʉrʉdꞌera ãba bꞌa krĩñasia Jesúsdꞌebema ĩjã bꞌe bawara. Mawũãmina jõmaʉ̃ba wawiabʉdaba ĩjãna ẽbasia izha ĩjã bꞌʉra.

Hechos 9:32

Pedrora jõmaʉ̃ma wã bꞌʉba zesia mebẽrã bꞌema Lida pʉwʉrʉdꞌe.

Hechos 9:41

Pedrobara juwuadꞌe jidape piradrʉbisia. Mobebʉrʉ trʉ̃sia Jesúsdꞌebema ĩjã bꞌeta, dewara trʉ̃sia pẽdrarãta, aramaʉ̃ne ũdubigasia zokꞌai.