Hechos 23:16 - Porciones del Nuevo Testamento

¹⁶ Mawũãmina Pablo nawekꞌau wauba mawũã kũrũgadꞌaita bedꞌea kꞌopanʉta ũrĩbʉrʉdꞌera, wãpe edꞌa wãsia soldaorã tabꞌʉ maẽ, mobe jarasia Pabloa.

Hechos 23:16 ပူးပေါင်းရင်းမြစ်များ

Hechos 21:34

Mawũãmina kꞌabanane edꞌara ʉ̃kʉrʉba ne abꞌaʉta jara, waya dewaraurãba ne awʉrʉta jara bꞌikua nʉmasia. Mawũã bꞌʉgadrʉ nʉmʉba miã kꞌãrẽta bia kꞌawua ẽãba jarasia ededꞌamarẽã soldaorã tabꞌʉ dedꞌa.

Hechos 21:37

Soldaorã tabꞌʉ dedꞌa edꞌa buedꞌaidꞌe Pablobara soldaorã nokꞌota wagꞌaua mawũãsia: ¿Bʉara mʉrã idaribiika bʉaa bedꞌeata jaraira? Mawũãĩ jaribara mawũãsia: ¿Bʉara kꞌãwũã kꞌawua bꞌʉka griego bedꞌeara?

Hechos 23:10

Aramaʉ̃ne wuaabʉrʉ kꞌaikꞌaia jirpanʉba soldaorã nokꞌota wagꞌaura perasia, mawũẽ ãzhara Pablora baʉcha naʉ̃sãbidꞌaidꞌeba soldaorãã jarasia wãnape zhãrã maẽbara edꞌa ededꞌamarẽã ãzhi soldaorã tabꞌʉ maẽ.

Hechos 23:17

Mawũẽ Pablobara soldaorã nokꞌota abꞌa trʉ̃pe mawũãsia: Naʉ̃ kũrãta ededua soldaorã nokꞌota wagꞌauma, bedꞌeata erubꞌʉa jaraita.

Hechos 23:32

Nrũẽma kꞌawayo banaã chãbꞌarisidꞌa wãnamarẽã izhi bawara, mobe jẽrũya zekuasia ãzhi soldaorã tabꞌʉma.

Hechos 24:23

Mawũãpe soldaorã nokꞌoa jarasia Pablo akʉmarẽã. Mawũãmina jarasia ne sãwũãĩrã idaribimarẽã. Idaribimarẽã jarasia ãzhirãba izhi aribꞌaebʉdara o izhima zebʉdara.