Hechos 22:25 - Porciones del Nuevo Testamento

²⁵ Mawũãmina udꞌaita jʉ̃bʉdadꞌera Pablobara soldaorã nokꞌota mama kꞌobꞌʉa mawũãsia: ¿Roma bidꞌara marãã ubi panʉka sãwũã oita jaradꞌa ẽwedꞌara?

Hechos 22:25 ပူးပေါင်းရင်းမြစ်များ

Mateo 10:17

Aramaʉ̃ne kĩrãkuita bꞌeaudua zhãrã kꞌarea, marã chãbꞌaridꞌaya nokꞌorã wagꞌaurãã, de zhi jʉrebadata nʉme maẽ marã udꞌaya.

Mateo 27:54

Soldaorã nokꞌoba soldaorã bawarauba Jesústa kĩrãkuita bꞌedꞌe ẽjũã ureta ũdubʉdadꞌe, mawũã berabꞌaribʉrʉta ũdudꞌai kꞌãbãẽã perabʉdaba mawũãsidꞌa: Naʉ̃ wãrĩnu Daizeze Warra basia.

Mateo 8:8

Mawũãĩ soldaorã nokꞌobara panaʉ̃ mawũãsia: Nokꞌó, mʉrã biata bꞌʉ ẽã bʉ mʉ dedꞌa deidꞌu zeira. Mawũẽ bꞌei bedꞌeata jaradua, mawũãrã mʉ nezokꞌara bꞌeya.

Hechos 10:1

Cesarea pʉwʉrʉdꞌe bꞌasia Cornelio abadata, soldaorã Italiadꞌebema abada nokꞌo basia.

Hechos 16:37

Mawũãĩ Pablobara mawũãsia: Daira jõmaʉ̃ daidꞌu tawesidꞌa mawũã odꞌaidꞌe bꞌʉ ẽãta, aramaʉ̃ne daira Roma bidꞌata panʉta cárceldꞌe edꞌa bꞌʉsidꞌa. ¿Maʉ̃ta daira ẽnabʉdakꞌa chupea? Kꞌãwũã ẽã, awuarabʉrʉ ãzhita zedꞌaibara dai ãĩ bꞌʉita.

Hechos 22:26

Soldaorã nokꞌoba maʉ̃ta ũrĩbʉrʉdꞌera wãpe soldaorã nokꞌota wagꞌaua mawũãsia: ¿Bʉara sãwũã oipe? Ũmakĩrã jarira Romanebema.

Hechos 23:17

Mawũẽ Pablobara soldaorã nokꞌota abꞌa trʉ̃pe mawũãsia: Naʉ̃ kũrãta ededua soldaorã nokꞌota wagꞌauma, bedꞌeata erubꞌʉa jaraita.

Hechos 23:27

Ũmakĩrã naʉ̃ta judíorãba jidadꞌape ãzha beadꞌaidꞌe, mʉta soldaorã bawara wãpe kꞌarebasia mʉã kꞌawuape Roma bidꞌata.

Hechos 25:16

Mawũãnaĩ mʉãrã panaʉ̃ maʉ̃rãã jarasia Roma bidꞌarãbara zhãrã beadꞌamarẽã chãbꞌari kꞌawa duanu ẽãta zhi ji kꞌobꞌeta kĩrãbita kꞌopanʉ ẽãrã, aramaʉ̃nerã izhikusa zhi kꞌareba bꞌeya jibʉdadꞌera.

Hechos 27:1

Daira Italia druaedꞌa barcodꞌe wãbidꞌaita krĩchabʉdadꞌera Pablota dewaraurã ʉ̃kʉrʉ jida erubꞌe bawara soldaorã nokꞌota Julioa chãbꞌarisidꞌa. Izhira soldaorã rey Augustodꞌeta tabꞌʉdꞌebema basia.

Hechos 27:3

Nrũẽma jũẽkuasia Sidón pʉwʉrʉidꞌu. Juliobara Pablo bia edabʉrʉta izhi bawara biarãma idu wãbisia kꞌãrẽ nesidꞌata diadꞌamarẽã maʉ̃rãba.

Hechos 27:43

Mawũãmina soldaorã nokꞌobara Pablo beabi krĩña ẽãba idaribi ẽbasia mawũã odꞌaidꞌera. Mawũẽ jarasia zhi tũẽ kꞌawua bꞌera naara doidꞌu jurzoape drua badꞌamarẽã.