Hechos 22:12 - Porciones del Nuevo Testamento

¹² Mama bꞌasia ũmakĩrã Ananía abadata, maʉ̃bara aribꞌae bꞌasia Moisé ũrãgꞌata. Izhira jõmaʉ̃ba bia jara panasia judíorã mama bꞌebara.

Hechos 22:12 ပူးပေါင်းရင်းမြစ်များ

Lucas 2:25

Maʉ̃ne Jerusalénne bꞌasia Simeón abadata, biata bꞌʉta Daizeze kĩrãbita kĩrãẽpa bꞌasia, maʉ̃bara jʉ̃ã bꞌasia Israel ẽdrʉbigaidꞌebemata. Jawurebiara bꞌasia izhi ũme.

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.

Hechos 17:4

Aramaʉ̃ne ãzhirãnebema ʉ̃kʉrʉbara ĩjãnape ãba duanesia Pablo bawara Sila bawara. Abꞌarika bioba ĩjãsidꞌa griegorã Daizezeba jara bꞌʉta aribꞌae bꞌeba, dewara bio wũẽrãrã zhi zromarãba.

Hechos 6:3

Maʉ̃ba mebẽrã marãnebemata ũmakĩrãrã siete jʉrʉ edaudua kĩrãẽpa bꞌeta, Jawurebiaba bira bꞌeta, krĩcha bara bꞌeta, maʉ̃rãta maʉ̃ kꞌaudꞌa bꞌeabidꞌaya.

Hechos 8:2

Ũmakĩrãrã ʉ̃kʉrʉ Daizezedꞌebemaba Esteban joudꞌe edesidꞌa. Kꞌãbãẽã jẽgasidꞌa izhi kꞌarea.