Hechos 21:34 - Porciones del Nuevo Testamento

³⁴ Mawũãmina kꞌabanane edꞌara ʉ̃kʉrʉba ne abꞌaʉta jara, waya dewaraurãba ne awʉrʉta jara bꞌikua nʉmasia. Mawũã bꞌʉgadrʉ nʉmʉba miã kꞌãrẽta bia kꞌawua ẽãba jarasia ededꞌamarẽã soldaorã tabꞌʉ dedꞌa.

Hechos 21:34 ပူးပေါင်းရင်းမြစ်များ

Hechos 19:32

Maʉ̃ẽna ʉ̃kʉrʉbara ne abꞌaʉta jara bꞌikua nʉmʉnerã, dewaraurãbidꞌa ne awʉrʉta jara bꞌikua nʉmasia zhi kꞌabanabara kꞌawuadꞌa ẽãba kꞌãrẽã zhi jʉredꞌapeadꞌata.

Hechos 21:37

Soldaorã tabꞌʉ dedꞌa edꞌa buedꞌaidꞌe Pablobara soldaorã nokꞌota wagꞌaua mawũãsia: ¿Bʉara mʉrã idaribiika bʉaa bedꞌeata jaraira? Mawũãĩ jaribara mawũãsia: ¿Bʉara kꞌãwũã kꞌawua bꞌʉka griego bedꞌeara?

Hechos 22:24

soldaorã nokꞌota wagꞌaubara soldaorã tabꞌʉ maẽ edꞌa ededꞌamarẽã jarape udꞌamarẽã jarasia bedꞌeamarẽã, aramaʉ̃ne kꞌawuaita kꞌãrẽã mawũã kĩrũ jʉra bꞌikua nʉmeta izhi ʉ̃rʉ̃.

Hechos 22:30

Nrũẽma soldaorã nokꞌota wagꞌaubara bia kꞌawua krĩñasia judíorãbara kꞌãrẽã jirpanʉta, mawũẽ cadena ẽnabisia. Mobe zebidꞌamarẽã jarasia nokꞌorã sacerdoterãta, nokꞌorã wagꞌaurã bawara. Mobe Pablo ãĩ edape kꞌobꞌʉsia ãzhi kĩrãbita.

Hechos 23:10

Aramaʉ̃ne wuaabʉrʉ kꞌaikꞌaia jirpanʉba soldaorã nokꞌota wagꞌaura perasia, mawũẽ ãzhara Pablora baʉcha naʉ̃sãbidꞌaidꞌeba soldaorãã jarasia wãnape zhãrã maẽbara edꞌa ededꞌamarẽã ãzhi soldaorã tabꞌʉ maẽ.

Hechos 23:16

Mawũãmina Pablo nawekꞌau wauba mawũã kũrũgadꞌaita bedꞌea kꞌopanʉta ũrĩbʉrʉdꞌera, wãpe edꞌa wãsia soldaorã tabꞌʉ maẽ, mobe jarasia Pabloa.

Hechos 23:32

Nrũẽma kꞌawayo banaã chãbꞌarisidꞌa wãnamarẽã izhi bawara, mobe jẽrũya zekuasia ãzhi soldaorã tabꞌʉma.

Hechos 25:26

Rey mʉ nokꞌoa kꞌãrẽ wãrãta jara bꞌʉ diabueita ne ẽãba mʉãrã webʉrʉa marã kĩrãbita, zhi audrera bʉ kĩrãbita webʉrʉa rey Agripa, aranaʉ̃nerã sãwũãta kꞌawuabʉrʉba bꞌaya mʉã kꞌãrẽ bꞌʉita.