Hechos 21:3 - Porciones del Nuevo Testamento

³ Wãne dodꞌu Chipre dajadabʉrʉdꞌera juwua ãkꞌaare ãmaẽbʉdata zesidꞌa Siria druaedꞌa, aramaʉ̃ne Tiro pʉwʉrʉedꞌa jũẽkuasia barcoba mama ne ãĩ jirakuaiba.

Hechos 21:3 ပူးပေါင်းရင်းမြစ်များ

Mateo 11:21

¡Daizezebara pua kꞌawua oya Corazín pʉwʉrʉdꞌe bꞌera! ¡Pua kꞌawua oya Betsaida pʉwʉrʉdꞌe bꞌera! Tiro pʉwʉrʉdꞌe, Sidón pʉwʉrʉdꞌe ũdudꞌakꞌata obʉrʉta mʉã marã maẽ odꞌata osibʉrʉ, dããrãbʉrʉta sopuaba wua paima jʉ̃ jewedꞌadꞌape, sopuaba burudꞌe itarra podꞌape, kꞌazhiruara ãmape Daizezeta pẽwãkꞌausidꞌa.

Mateo 4:24

Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.

Lucas 10:13

¡Daizezebara pua kꞌawua oya Corazín pʉwʉrʉdꞌe bꞌera! ¡Pua kꞌawua oya Betsaida pʉwʉrʉdꞌe bꞌera! Tiro pʉwʉrʉdꞌe, Sidón pʉwʉrʉdꞌe ũdudꞌakꞌata obʉrʉta mʉã marã maẽ odꞌata osibʉrʉ, dããrãbʉrʉta sopuaba wua paima jʉ̃ jewedꞌadꞌape, sopuaba burudꞌe itarra podꞌape, kꞌazhiruara ãmape Daizezeta pẽwãkꞌausidꞌa.

Lucas 2:2

Mawũã juachadꞌakꞌata juachasidꞌadꞌera, Cirenio nokꞌota bꞌasia Siria druadꞌe.

Hechos 11:19

Esteban beasidꞌadꞌe Jesúsdꞌebema ĩjã bꞌera zuburia odꞌaita pẽwãsidꞌadꞌera zhi jãrãzoabʉrʉra wãsidꞌa Fenicia druaidꞌu, Chipre dodꞌuidꞌu, Antioquía pʉwʉrʉidꞌu. Maʉ̃nerã awʉrʉa jaradꞌa ẽbasia Jesúsdꞌebema bedꞌeara, awuarabʉrʉ jarasidꞌa judíorãta bꞌea.

Hechos 12:20

Maʉ̃ ewadera Herode kĩrũ bꞌasia Tiro pʉwʉrʉdꞌebema bawara, Sidón pʉwʉrʉdꞌebema bawara, maʉ̃ kꞌarea maʉ̃rã krĩchasidꞌa bedꞌeadꞌe wãnaĩta izhima. Mawũẽ rey Herodeba Blasto nokꞌo zromata bꞌʉkꞌãrĩ bawara bedꞌeasidꞌa jaramarẽã adu-a bꞌeaita, mawũã osidꞌa zhikora eda bꞌeba rey druadꞌe.

Hechos 13:4

Ãzhira aramaʉ̃ne Jawurebiaba zokꞌakuabʉrʉba edꞌaa wãsidꞌa Seleucia pʉwʉrʉedꞌa. Mamaʉ̃ba barcodꞌe kĩrãrã wãsidꞌa dodꞌu Chipreidꞌu.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 15:39

Aramaʉ̃ne ãzhirãĩnu krĩcha abꞌarika zedꞌa ẽãba zhiya zhi tʉsidꞌa. Bernabébara Marco edebʉrʉta barcodꞌe wãsia dodꞌu Chipreidꞌu.

Hechos 15:41

Aramaʉ̃ne Siria druadꞌe, Cilicia druadꞌe berabꞌarisia soidꞌu bꞌeamarẽã ũrãgꞌa mebẽrãta.

Hechos 18:18

Pablora mama ewari bio bꞌape mebẽrãã wãta jarape barcodꞌe wãsia Siria druaedꞌa, maʉ̃nerã ãba wãsidꞌa Priscila zhi kĩma Aquila ũme. Wãĩ nawedꞌa Cencrea pʉwʉrʉdꞌe Pablora budꞌa wẽbisia, aribꞌaedꞌaba Daizezeita kꞌãrẽ oita jaradꞌata.

Hechos 21:16

Dai bawara Jesúsdꞌebema ĩjã bꞌeta ʉ̃kʉrʉ zesidꞌa Cesareadꞌebemata. Ãzhi bawara iabꞌa wesidꞌa Mnasón abadata Chipredꞌebemata, Jesúsdꞌebema ĩjãnata dããrã bꞌasia, daira izhi maẽ duanesia.

Hechos 21:2

Barcota Fenicia druaedꞌa wãta ũdudꞌape jizoasidꞌa.

Hechos 21:7

Daira pusadꞌe wã taubʉdata Tiro pʉwʉrʉdꞌeba jizoasia Tolemaida pʉwʉrʉedꞌa. Mama mebẽrã saludꞌadꞌape ãzhi bawara duanesia ewari abꞌa.

Hechos 27:4

Mamaʉ̃ba jizoabʉdadꞌera dodꞌu Chipre ãbʉde wãsidꞌa pʉ̃ãdrʉta ãña nʉmʉba.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.